Huawei 1
Toshkentdagi 141, 161, 74-sonli avtobuslarning yo'nalishi o'zgartirildi, 158-sonli avtobus yo'nalishi butunlay to'xtatildi

Yo‘nalishlar tarmog‘ini maqbullashtirish, yo‘lovchilarga ko‘rsatilayotgan transport xizmatlari sifatini oshirish maqsadida, ertaga, 22-noyabrdan boshlab Toshkentdagi 4ta yo'nalishdagi avtobuslarning harakati o'zgartirilmoqda. Bu haqda "Toshshahartransxizmat" AJ axborot xizmati xabar bermoqda. 

Unga ko'ra. “12-avtobus saroyi” filialiga biriktirilgan 74-sonli “Nayman mahallasi – Chilonzor metrosi”  avtobus yoʻnalishining harakati Nayman mahallasi bekatidan Ferma bekatigacha uzaytirilmoqda. 

Yoʻnalishning Chilonzor metrosi tomon harakati Bunyodkor koʻchasi orqali (Gavhar koʻchasi orqali Olmazor metrosi bekatiga kirmagan holda) oʻzgartirilgan.

Shuningdek, “7-avtobus saroyi” filialiga biriktirilgan 141-sonli “Karvon bozori – Paxtakor metrosi” avtobus yoʻnalishining harakati KHAYdan Bogʻiston, Muqimiy, Samarqand darvoza, Qoratosh koʻchalari orqali keying harakati oʻz yoʻnalishi boʻylab oʻzgartirildi.

Undan tashqari, “4-avtobus saroyi” filialiga biriktirilgan 161-sonli “Erkin mahallasi – Olmazor metrosi” avtobus yoʻnalishining harakati Erkin mahallasidan Quyoshli qoʻrgʻonigacha uzaytirildi.

2023-yil 23-noyabr kunidan boshlab, “4-avtobus saroyi” filialiga biriktirilgan 158-sonli “Quyoshli qo’rg’oni – Do’mbirabod mavzesi” avtobus yoʻnalishining harakati to’xtatildi.

Izohlar: 0
Siz identifikatsiyadan o'tmadingiz
Ro'yxatda bo'lmay turib izoh qo'shish

Tepaga