Yangi O'zbekiston bog'i yaqinida daxshatli YTH sodir bo'ldi, uch nafar qurbon, besh nafar jabrlanuvchi bor
Joriy yilning 19 sentyabr kuni ijtimoiy tarmoqlarda daxshatli YTH tasvirlangan videolar tarqaldi. Unda "Yangi O'zbekiston" bog'ida 3 ta mashina ishtirokida sodir bo'lgan avariya oqibatida 10 balli tirbandlik yuzaga kelgani aytilgan. Shuningdek, tasdiqlanmagan manbaalarda 3 kishi o'lgani ham yozilgan.
Tasdiqlanishicha, shu kuni soat 21:00 larda Toshkent shahar, Yashnobod tumani Yangi O‘zbekiston ko‘chasida dahshatli YTH sodir bo‘lgan.
Unda haydovchi "Nexia-3" avtomobilini mast holda boshqarib, boshqaruvni yo‘qotgan va qarama-qarshi tomondan harakatlanib kelayotgan "Nexia-1" hamda "Spark" mashinalari bilan to‘qnashgan. Natijada "Spark" haydovchisi yo'l chetidagi "stolba"ga urilgan.
Ma’lumotlarga ko‘ra, fojea oqibatida 3 nafar fuqaro voqea joyida vafot etgan va 5 nafar fuqaro turli darajadagi tan jarohati olib shifoxonaga yotqizilgan.
Sodir bo'lgan avtohalokat yuzasidan JKning 266-moddasi 3-qismi "a" bandi bilan jinoyat ishi qo‘zg‘atilgan.
.jpg "X factor uzbekistan")
.png "YouTube UZREPORT TV")
