Sizlarni har doim eng qiziqarli yangiliklardan xabardor qilish maqsadida yangi xabarlar haqida ogohlantirishimiz mumkin.
Енгил атлетика бўйича Ўзбекистон терма жамоаси U18 Осиё чемпионатида иккинчи ўринни эгаллади
Даммам (Саудия Арабистони) шаҳрида енгил атлетика бўйича 18 ёшгача бўлганлар ўртасида ўтказилган Осиё чемпионатида Ўзбекистон терма жамоаси тарихда илк бор иккинчи ўринни эгаллади. Бу ҳақда Миллий олимпия қўмитаси матбуот хизмати хабар берди.
Бунгача мамлакатнинг энг юқори ютуғи 2022 йилда Кувайтдаги учинчи, 2023 йилда эса Тошкентдаги тўртинчи ўрин бўлган.
Даммамдаги ОЧда Осиё қитъасидан жами 31 та давлат иштирок этди. Ўзбекистон енгил атлетикачилари 12 та — 3 та олтин, 5 та кумуш ва 4 та бронза медалини қўлга киритди.
Қитъа чемпионати ғолиблари :
- Жаҳонгир Жўрабоев — ўнкураш (6645);
- Садафбону Нусратуллаева — 2000 метрга тўсиқлар оша югуриш (6:44,99);
- Анастасия Силченкова — 3000 метр (9:45.17).
Кумуш медалига сазовор бўлганлар:
- Тимур Насимов — 3000 м (8:51,27);
- Шоҳжахон Хайруллаев — 2000 метрга тўсиқлар оша югуриш (6:14,31);
- Насимахон Мамирова — 2000 метрга тўсиқлар оша югуриш (6:55,20);
- Софя Николаева — еттикураш (4904);
- Шодиёна Раҳмонова — 400 метрга тўсиқлар оша югуриш (1:02,97, 1:01,40).
Бронза медали соҳиблари:
- Руслан Саъдуллаев — найза улоқтириш (61,96);
- Асилбек Тўхтамуродов — 3000 метр (9:01,95);
- Шаҳрибону Зарипова — босқон улоқтириш (56,47);
- Маржона Сайдуллаева — 1500 метрга югуриш (4:59,85).
Baholash:
0
0
Izohlar: 0
Siz identifikatsiyadan o'tmadingiz
Ro'yxatdan o'tish yoki Kirish
Ro'yxatda bo'lmay turib izoh qo'shish
.png "YouTube UZREPORT TV")
