Apple Xitoy smartfon bozorida yetakchi beshlikdan chiqib ketdi
Xitoyda smartfon yetkazib berish ikkinchi chorakda o‘tgan yilning shu davriga nisbatan 10 foizga oshib, 70 million donadan oshdi. Canalys tahliliy kompaniyasi ma’lumotlariga ko‘ra, Amerikaning Apple kompaniyasi birinchi marta smartfonlar yetkazib beruvchi eng yaxshi 5 ta kompaniya safini tark etdi.
Tarixda birinchi marta Xitoyning eng yirik smartfon yetkazib beruvchilari ro‘yxatining birinchi beshta o‘rnini mahalliy kompaniyalar egallab turibdi, deb ta’kidladi Canalys tahlilchisi Lukas Chjung.
Bozor yetakchisi Vivo brendi bo‘ldi, u savdo hajmini yiliga 15 foizga oshirib, 13,1 million dona smartfonga yetkazdi va bozor ulushini 19 foizga oshirdi. Oppo sotuvlar hajmi 1 foizga qisqarganiga qaramay, bozor ulushi 16 foizni tashkil etib, ikkinchi o‘rinni egalladi.
Honor uchinchi (bozorning 15 foizi, 10,7 million dona sotilgan), to‘rtinchi o‘rinni Huawei (bozorning 15 foizi, 10,6 million dona sotilgan), Xiaomi beshinchi (14 foiz, 10 million) egallagan.
Apple o‘tgan chorakda Xitoyda bor-yo‘g‘i 9,7 million dona smartfon sotdi. Bu esa uni eng yaxshi 5 ta yetakchi safidan chiqarib tashladi. Apple’ning bozordagi ulushi 14 foizga tushib ketdi.
Boshqa bir tadqiqot kompaniyasi – International Data Corporation'ning dastlabki hisob-kitoblariga ko‘ra, aprel-iyun oylarida Xitoyda smartfonlar savdosi o‘tgan yilning shu davriga nisbatan 8,9 foizga oshib, 71,6 million donagacha yetgan.
.png "YouTube UZREPORT TV")
