Argentinada to'fon oqibatida 13 kishi halok bo‘ldi
Argentinaning Baxiya-Blanka shahrida to'fon tufayli kamida 13 kishi halok bo'ldi.
Fojia shaharning mashhur muassasasi - Bahiense del Norte klubida skeyterlar ko‘rgazmasi vaqtida yuz berdi, u yerdagi tom qulab tushdi. Favqulodda xizmatlarning xabar berishicha, qutqaruvchilar voqea joyida ishlashda davom etmoqda, chunki vayronalar ostida hali ham odamlar bo‘lishi mumkin.
“Argentina Respublikasi Prezidenti devonidan sizga maʼlum qilamizki, milliy hukumat Buenos-Ayres provinsiyasida momaqaldiroq tufayli yuzaga kelgan vaziyatni kuzatib bormoqda. Biz aholini ob-havo xizmatini tekshirishga va agar kerak bo'lsa, o'z uylarida qolishga chaqiramiz. Prezident dovulda halok bo‘lganlarning oila a’zolari va yaqinlariga chuqur hamdardlik bildiradi”, — deyiladi prezident Xaver Mayli idorasining ijtimoiy tarmoqdagi bayonotida.
.png "YouTube UZREPORT TV")
