“Avatar” fantastik filmi uchinchi qismining premyera sanasi ma’lum qilindi
“Avatar 3” ilmiy-fantastik filmining premyerasi 2024-yil yangi yil arafasida, aniqrog'i 19-dekabrda bo‘lib o‘tadi. 20-dekabrda esa katta ekranlarda namoyish etiladi.
Film rejissyori Jeyms Kemeronning aytishicha, “Avatar”ning uchinchi qismi batamom o‘zgaradi.
Film tomoshabinlarga olov elementlariga asoslangan madaniyat va ikkita qabila hayot tarzini namoyish etadi.
“Ushbu kartina uchun olov katta ramziy ma’noga ega. Biz uchinchi qismda ushbu elementga asoslangan madaniyatni ko‘ramiz”, deydi rejissyor.
Ma’lumotlarga ko‘ra, “Avatar 3” filmning ikkinchi qismi – “Avatar 2: suv yo‘li” bilan parallel ravishda suratga olingan. “Avatar 3” kartinasining xronometraji 9 soatdan oshadi. Shu sababli kinoning yakuniy versiyasi uchga qisqartirilish kutilmoqda.
Eslatib o'tamiz, "Avatar-2: Suv yo‘li" ilmiy-fantastik filmi 2 milliard dollarga yaqin daromad olib keldi.
.jpg "X factor uzbekistan")
.png "YouTube UZREPORT TV")
