Birlashgan Millatlar Tashkiloti Bosh kotibi barcha mamlakatlarni 2024-yilda kelishmovchiliklarni bartaraf etishga chaqirdi
BMT Bosh kotibi Antoniu Guterrish 2024-yilda barcha mamlakatlarni birlashishga va kelishmovchiliklarni bartaraf etishga chaqirdi. Uning fikricha, kelgusi yil "ishonchni tiklash" yili bo'lishi kerak.
Bosh kotibning soʻzlariga koʻra, 2023-yil "katta azob-uqubatlar, zo'ravonlik va iqlim tartibsizliklari yili" bo'ldi. Guterrishning ta'kidlashicha, odamlar "qashshoqlik va ochlik muammolari tobora ortib borayotgan bosim ostida", urushlar esa "shafqatsiz tarzda ko'payib bormoqda".
“Shu bilan birga, ishonch tugaydi. Ammo o'zaro ayblovlar va qurol bilan tahdidlar hech narsaga olib kelmaydi. Insoniyatning kuchi odamlarning birligidadir”, — taʼkidladi Bosh kotib videomurojaatida.
Antonio Guterrishning ishonchi komilki, mamlakatlar “jamoalar o‘rtasidagi munosabatlarni zaharlaydigan” kamsitish va nafratga qarshi birgalikda harakat qilishlari kerak. Shuningdek, sun'iy intellekt kabi yangi texnologiyalar "yaxshilik yoʻlida xizmat qilishini" ta'minlash kerak.
“2024-yil ishonch va umid tiklanadigan yil bo'lishi kerak. Biz kelishmovchiliklarni bartaraf etish va umumiy yechimlarni topish uchun birlashishimiz kerak”, - deydi Guterrish.
.png "YouTube UZREPORT TV")
