Bloomberg: AQSh Qrimni Rossiya deb tan olishga “ochiq”

AQSh prezidenti Donald Tramp maʼmuriyati Moskva va Kiyev oʻrtasidagi kengroq tinchlik kelishuvi doirasida anneksiya qilingan Ukraina yarimoroli Qrim ustidan Rossiya “nazorati”ni tan olishga tayyor. Bu haqda 18-aprel, payshanba kuni xabardor manbalarga tayanib, Bloomberg xabar berdi.

Agentlik manbalarining aniqlik kiritishicha, bu borada hali qaror qabul qilinmagan. Oq uy va Davlat departamenti izoh berish so'rovlariga javob bermadi. Ukrainadagi tinchlik muzokaralarining borishi bilan tanish bo'lgan AQSh rasmiysi Bloomberg'ning Qrimni Rossiya deb tan olish imkoniyati haqidagi savoliga javob berishdan bosh tortdi.

Zelenskiy: Hududlar masalasini Ukraina xalqi hal qilishi kerak

14-aprel kuni AQSh Xavfsizlik Kengashidagi maxsus vakili Stiven Vitkoff Fox News telekanaliga bergan intervyusida Rossiya prezidenti Vladimir Putin Ukrainada tinchlik o‘rnatishga intilayotgani, ammo “bu mojarodagi eng katta muammo” Kreml talab qilayotgan beshta Ukraina hududi Rossiya deb tan olinishini aytdi. Gap Qrim, Donetsk, Lugansk, Zaporijya va Xerson viloyatlari haqida bormoqda.

Ertasi kuni Ukraina prezidenti Vladimir Zelenskiy Odessada NATO bosh kotibi Mark Rutte bilan matbuot anjumani chog‘ida Vittkoffning so‘zlarini quyidagicha izohladi: "Barcha hududlar Ukraina unitar davlatiga tegishli. Shuning uchun... davlatimiz hududi haqida faqat Ukraina xalqi gapirishi mumkin".

Tramp kelishuv boʻyicha vositachilikni toʻxtatish bilan tahdid qilmoqda

18-aprel kuni AQSh prezidenti Donald Tramp agar Rossiya va Ukraina “tez orada” tinchlik o‘rnatmasa, vositachilik harakatlarini to‘xtatish bilan tahdid qilgan edi. Tramp biron bir muddatni aytishdan bosh tortdi va Amerika vositachiligida bu masala “nihoyasiga yetmasligiga” umid bildirdi.