BMT Xavfsizlik Kengashi mojaro zonalarida gumanitar xodimlarni himoya qilish bo'yicha rezolyutsiyani qabul qildi

Birlashgan Millatlar Tashkiloti Xavfsizlik Kengashi mojaro zonalarida insonparvarlik yordami va BMT xodimlarini himoya qilish boʻyicha rezolyutsiya loyihasini qabul qildi. Rezolyutsiya loyihasi Kengashning 15 aʼzosidan 14 tasi ovoz bilan qabul qilindi, Rossiya betaraf qoldi.

Shveysariya tomonidan BMT Xavfsizlik Kengashiga taqdim etilgan rezolyutsiya barcha davlatlarni “gumanitar xodimlar va BMT xodimlarini, shu jumladan milliy va mahalliy miqyosda yollangan xodimlarni, shuningdek, tegishli shaxslar va xodimlarni hurmat qilish va himoya qilishga” chaqiradi.

Rezolyutsiya, shuningdek, mojaroning barcha tomonlarini amaldagi xalqaro inson huquqlari va insonparvarlik qonunchiligi bo‘yicha o‘z majburiyatlarini to‘liq bajarishga chaqiradi hamda barcha a’zo davlatlarni gumanitar yordam xodimlari va BMT xodimlariga nisbatan qonun buzilishi holatlarini tekshirishga chaqiradi.

BMT Xavfsizlik Kengashida qaror qabul qilinishi ortidan so'zlagan Falastinning BMTdagi doimiy vakili Riyad Mansur, rezolyutsiyaning hech bir davlat tomonidan e'tirozsiz qabul qilinganidan mamnun ekanligini bildirdi.

“Ushbu rezolyutsiya Gʻazo uchun moʻljallangan, garchi unda Gʻazo nomi tilga olinmagan boʻlsa-da, xalqaro xodimlar, jumladan, BMT xodimlari va xususan UNRWA (Birlashgan Millatlar Tashkilotining Yaqin Sharqdagi Falastinlik qochqinlarga yordam va ishlar boʻyicha agentligi) himoyasi bilan bogʻliq”, — dedi Mansur.

Rezolyutsiyada insonparvarlik va xalqaro huquqni buzganlarning jazosiz qolishi chaqirig’idan ham mamnun bo’lganliklarini ifoda etgan Mansur, BMT Xavfsizlik Kengashi qarorining G’azoda o’t ochishni to’xtatishga erishish va Rafahning ishg’ol qilinishining oldini olishda uzoq yo’l bo’lishiga ishonganliklarini qayd etdi.