FT: Tramp Xitoy tinchlikparvar kuchlarini Ukrainaga yuborishni taklif qildi
Urushdan keyin Ukrainadagi front chizig‘i bo‘ylab neytral hududni nazorat qilish uchun Xitoy qo‘shinlaridan foydalanish g‘oyasini AQSh prezidenti Oq uyda Yevropa yetakchilari bilan uchrashuvda ilgari surdi, deya xabar beradi FT manbalari.
AQSh prezidenti Donald Tramp urush tugaganidan so‘ng Ukrainada tinchlikparvar kuchlar sifatida Xitoy qo‘shinlarini joylashtirish zarur deb hisoblaydi, deb yozadi Financial Times 29-avgust, juma kuni muhokamalar bo‘yicha ma’lumot bergan to‘rt kishiga tayanib. Aytilishicha, Tramp shu tariqa Rossiya prezidenti Vladimir Putinning taklifini qo‘llab-quvvatlagan.
Gazetaning suhbatdoshlariga ko‘ra, 18 avgust kuni Oq uyda Ukraina prezidenti Vladimir Zelenskiy va Yevropa yetakchilari bilan uchrashuvda Tramp Xitoydan Rossiya bilan tinchlik kelishuvi doirasida 1300 kilometrlik front chizig‘i bo‘ylab neytral hududni kuzatish uchun tinchlikparvar kuchlarni taqdim etishni so‘rashni taklif qilgan.
Oq uy bunday fikr muhokama qilinganini rad etadi. "Bu yolg'on", dedi Tramp ma'muriyatining yuqori martabali amaldori FTga.
Gazetaning qayd etishicha, Rossiya tomoni birinchi marta 2022-yil bahorida Istanbulda Rossiya va Ukraina oʻrtasida boʻlib oʻtgan birinchi muzokaralar chogʻida xavfsizlik kafolatlari doirasida Xitoy tinchlikparvar kuchlari masalasini koʻtargan. Axios maʼlumotlariga koʻra, Putin 15-avgust kuni Alyaskada Tramp bilan uchrashuvi chogʻida Ukraina xavfsizligining mumkin boʻlgan kafolatchilaridan biri sifatida Xitoyni tilga olgan.
.png "YouTube UZREPORT TV")
