Ispaniya va Fransiyada o‘rmon yong‘inlari avj oldi

Ispaniya shimoli va Fransiya janubida yirik o‘rmon yong‘inlari sodir bo‘ldi. Shu sababli Fransiyaning Marsel shahridagi aeroport 8-iyul, seshanba kuni yopildi. 800 nafar o‘t o‘chiruvchi va o‘t o‘chirish samolyotlari ishtirokida o‘tkazilgan keng ko‘lamli operatsiya tufayli yong‘in nazorat ostiga olindi, dedi Fransiya ichki ishlar vaziri Bruno Retaillo.

Dastlabki maʼlumotlarga koʻra, Marselda qurbonlar boʻlmagan, 110 kishi yengil jarohatlangan, jumladan, 30 ga yaqin oʻt oʻchiruvchilar va politsiyachilar. Yong‘in 700 gektar maydonni qamrab olgan va 63 ta turar-joy binosiga zarar yetkazgan, ulardan 10 tasi butunlay yonib ketgan. 400 kishi evakuatsiya qilindi. O‘t o‘chiruvchilar tun bo‘yi yong‘inni bartaraf etishlari kutilmoqda.

Ispaniya: yong'inlar uch ming gektar o'rmonni yo'q qildi

Ispaniyaning ko‘p qismi o‘rmon yong‘inlari uchun shay holatga keltirildi. Mamlakatda meteorologik kuzatuvlar boshlanganidan beri eng issiq iyun qayd etildi. Vaziyat ayniqsa Kataloniya mintaqasida jiddiy edi, u yerda o'rmon yong'inlari uch ming gektar maydondagi o'simliklarni yo'q qildi. Yong‘inni o‘chirishga 300 dan ortiq o‘t o‘chiruvchilar va harbiylar jalb qilingan, biroq operatsiyaga kuchli shamol to‘sqinlik qilgan. Kataloniyaning Tarragona munitsipalitetida rasmiylar yong‘in xavfi tufayli 18 ming kishini uylarini tark etmaslikka chaqirdi.

Yevropa oʻrmon yongʻinlari axborot tizimi (Effis) maʼlumotlariga koʻra, Ispaniya 2022-yilda Yevropadagi oʻrmon yongʻinlaridan eng koʻp zarar koʻrgan davlatga aylandi. O'sha yili 500 ta yong'in 300 ming gektardan ortiq maydondagi o'simliklarni yoqib yubordi. 2025 yilda Ispaniyada 21 ming gektarga yaqin maydon vayron qilingan.