Isroil Yaman poytaxtidagi husiylar nishonlariga zarba berdi

Isroil mudofaa kuchlari (IDF)ning 24-avgust, yakshanba kuni xabar berishicha, Isroil Yaman poytaxti Sanadagi husiylar deb taxmin qilingan harbiy obyektlarga katta zarba berdi.

Isroil qiruvchi samolyotlari tomonidan hujumga uchragan nishonlar orasida prezident saroyi joylashgan harbiy majmua, ikkita elektr stansiyasi va yoqilg‘i saqlash ombori bor, deyiladi ID bayonotida. “zarbalar hutiylar tomonidan Isroil va uning aholisiga qilingan takroriy hujumlarga javoban amalga oshirildi”, deya qo‘shimcha qildi Isroil harbiylari. The Times of Israel nashri xabar berishicha, 22 avgust kuni hutiylar Isroilga uchuvchisiz samolyot va kassetali o‘qli ballistik raketa uchirdilar.

Sanodagi guvohlar kuchli portlashlar sodir bo‘lganini ma’lum qildi, deya xabar beradi AFP. Husiylar nazoratidagi sog‘liqni saqlash boshqarmasi ma’lumotlariga ko‘ra, Isroil hujumi oqibatida olti kishi halok bo‘lgan, 86 kishi jarohatlangan.

AFP IDFga tayanib, shuningdek, operatsiyada Isroilning 10 ga yaqin qiruvchi samolyoti ishtirok etgani, Yamandagi nishonlar Isroil chegarasidan 2000 km uzoqlikda joylashganini taʼkidlaydi.

Yaman husiylari va Isroil o'rtasidagi ziddiyat

Husiylar Yamandagi Zaydiy musulmon shia ozchiligidan boʻlgan “Ansor Alloh” radikal harbiylashtirilgan guruhdir. Bu isyonchi guruh mamlakatning katta qismini nazorat qiladi.

2023-yil oktabr oyida HAMASning Isroilga qarshi terakti va IDning G‘azo sektoridagi javob harbiy amaliyotidan so‘ng, guruh Isroilga raketa va uchuvchisiz samolyotlar zarbalarini berishni boshladi va buni falastinliklar bilan birdamlik bilan izohladi. Husiylar Qizil dengiz va Adan ko‘rfazidagi kemalarga ham hujum qila boshladi. Natijada, ko'plab yuk tashish kompaniyalari Suvaysh kanali orqali o'tishdan bosh tortdilar. The Times of Israel nashrining yozishicha, birgina 2024-yilda hutiylar Isroilga 200 dan ortiq raketa va 170 ta uchuvchisiz uchish apparatlarini uloqtirgan.