Iyun oyining oxirida osmonda 5 ta sayyora bir chiziqqa chiziladi
Bu holat kamdan-kam sodir bo'lib, oxirgi marta 2004-yilda takrorlangan edi
Osmon kuzatuvchilari iyun oyining oxirida kuzatilishi mumkin bo'lgan o'ziga xos voqea haqida xabar bermoqda.
Bu holat 27-iyun sanasiga to'g'ri keladi. Sayyoralar namoyishi taxminan bir soatlar davom etishi aytilmoqda.
Unga ko'ra, 5 ta sayyora: Merkuriy, Venera, Mars, Yupiter, Saturn sayyoralari osmonda bir chiziqqa tiziladi. Eng qizig'i bu holatni oddiy ya'ni hech qanaqa asboblarsiz ko'rish mumkin bo'ladi.
Ushbu samoviy shou quyosh chiqishi vaqtida ko'rinadi. Bu shimoliy yarim sharda sharqqa va janubga qaraladi; janubiy yarimsharda sharqqa va shimolga qaraladi degani.
Eslatib o'tamiz, bunday holat oxirgi marta 2004-yil dekabrida sodir bo'lgan. 18 yil o'tib siz bu xodisaning kuzatuvchisiga aylanishingiz mumkin.
.png "YouTube UZREPORT TV")
