Jo Baydenning o‘g‘li 17 yilga qamalishi mumkin

AQSh prezidenti Jo Baydenning o'g'li Xanter Bayden soliq to‘lashdan bo‘yin tovlash bo‘yicha aybini rasman tan oldi. Gap barcha to'qqizta soliq to'lovi haqida bormoqda, ulardan uchtasi AQSh qonunchiligiga ko'ra og'ir soliq jinoyatlari sifatida tasniflanadi. Bu haqda 6-sentabr, payshanba kuni CNN xabar berdi.

Xanter Bayden 17 yilga qamalishi mumkin

Xanter Bayden 1,4 million dollar soliq to‘lashdan bo‘yin tovlaganlikda ayblanmoqda. AQSh qonunlariga ko'ra, buning uchun u 17 yil muddatga qamoq jazosi bilan jazolanishi mumkin. Xanterga hukm 16-dekabrda chiqariladi, bu sanaga prokuratura e'tiroz bildirmagan.

Xanter Baydenning advokati Abbey Louellning aytishicha, uning mijozi prokurorlar uni ayblash uchun yetarli dalillarga ega ekanligini tan olgan, shuning uchun u Los-Anjeles sudining barcha hukmlarini qabul qiladi. Gap to'qqizta ayblov haqida ketmoqda, ulardan uchtasi jiddiy. Xanter Bayden 1,4 million dollar soliq to‘lamagan va o‘z deklaratsiyasida yolg‘on ma’lumot berib, boshqa soliqlarni to‘lashdan bo‘yin tovlagan.

Umuman olganda, Baydenning o‘g‘li 2 million dollarga yaqin soliq va jarima to‘lamagan. Prokurorlarning fikricha, u pullarni hashamatli mashinalar, mehmonxonalar va jinsiy aloqa qilish uchun sarflagan. Bundan tashqari, Xanter Bayden Delaverda qurol saqlashda ayblanmoqda.

Advokatlarga ko'ra, Xanter Bayden to'liq qamoq jazosini olishi dargumon. AQSh tarixida Baydenning o'g'li ustidan o'tkazilgan sud jarayoni noyobdir, unda prezidentning farzandi jinoyatlar uchun sudlanadi.