Miss World xalqaro go‘zallik tanlovining 2025 yilgi g‘olibasi tailandlik Suchata Chuangsri bo‘ldi
“Dunyo go‘zali” (Miss World) xalqaro go‘zallik tanlovining 2025 yilgi g‘olibasi tailandlik Suchata Chuangsri bo‘ldi. Bu haqda tanlovning rasmiy saytida xabar berildi.
Tanlovda dunyoning turli mamlakatlaridan 108 nafar ishtirokchi qatnashgan.
G‘oliblikni qo‘lga kiritgan 21 yoshli Suchata Chuangsri xalqaro munosabatlar fakulteti talabasi bo‘lib, model sifatida ham faoliyat yuritadi. Shuningdek, u psixologiya va antropologiyaga ham qiziqadi. U ko‘krak bezi saratonini o‘rganishga ixtisoslashgan tashkilotlarda ko‘ngilli sifatida ishlagan.
Suchata 72 yildan beri o‘tkazib kelinayotgan “Dunyo go‘zali” tanlovi tarixida g‘olib chiqqan ilk tailandlik bo‘lgan.
“Bu lahza – shunchaki shaxsiy g‘alaba emas, bu – ko‘rinishni, eshitilishni va o‘zgarishlar qilishni orzu qiladigan har bir qizning orzusi. “Dunyo go‘zali” unvoni orqali men real o‘zgarishlar qilishga harakat qilaman”, degan tanlov g‘olibasi.
Tanlov Hindistonning Haydarobod shahrida o‘tkazilgan. Unda birinchi vitse-miss – efiopiyalik Hasset Dereje Admassu ham ishtirok etgan.
.png "YouTube UZREPORT TV")
