Moldova prezidenti va Yevropa kengashi rahbari Kiyevga tashrif buyurdi

Moldova prezidenti Mayya Sandu Kiyevga yetib bordi, undan keyin esa Yevropa kengashi rahbari Sharl Mishel Ukrainaga tashrif buyurdi. Ukraina poytaxtida ular prezident Vladimir Zelenskiy bilan uchrashadi.

“Bizning kun tartibimizda: Moldova va Ukrainaning YeIga qo‘shilishi bo‘yicha keyingi qadamlarni muhokama qilish, mintaqaviy xavfsizlikni mustahkamlash hamda Yevropa Ittifoqining mamlakatlarimizdagi islohotlar va taraqqiyotni yanada qo‘llab-quvvatlashi”, — deb yozdi Sandu X ijtimoiy tarmog‘ida.

Shu bilan birga, Mishel ham o'zining X mikrobilogida Ukrainaga kelganini e'lon qildi. 

"Kiyevda yana do'stlar orasida bo'lish yaxshi", - deb yozdi u.

Eslatib o'tamiz, 8-noyabr kuni Yevrokomissiya Ukraina va Moldovaning Yevropa Ittifoqiga qo‘shilishi bo‘yicha muzokaralarni boshlashni tavsiya qilgan edi. YeI Yevropa kengashini Kiyev va Kishinyov “asosiy chora-tadbirlarni ko‘rishi” bilanoq ushbu muzokaralarning “yo‘l xaritasi”ni tasdiqlashga chaqirdi va 2024-yil mart oyida tegishli chora-tadbirlarning amalga oshirilishi bo‘yicha hisobot e’lon qilishga va’da berdi.

Yevropa Ittifoqining Moldova boʻyicha hisobotida Rossiya va Ukraina oʻrtasidagi ziddiyat ham qayd etilgan: hujjatda taʼkidlanganidek, ushbu mojaro Kishinyov uchun “koʻp qiyinchiliklar” tugʻdirayotganiga qaramay, respublika demokratiya va qonun ustuvorligini mustahkamlashga qaratilgan islohotlarni davom ettirmoqda.