NYT: Rossiya Braziliyadan «josuslar fabrikasi» sifatida foydalangan
Rossiya razvedka xizmatlari Braziliyani AQSh, Yevropa va Yaqin Sharqda missiyalarni bajarishda chuqur yashirin operativlar uchun «josuslik fabrikasi»ga aylantirdi, deb yozadi 21 may, chorshanba kuni The New York Times (NYT) o‘z surishtiruvi natijalariga tayanib. Unga ko‘ra, Braziliya kontrrazvedka organlari ushbu rus josuslarining yacheykasini aniqlagan va Rossiya Federatsiyasining Ukrainaga qarshi keng ko‘lamli urushi boshlanganidan keyin uni yo‘q qilgan.
Jurnalistlar Braziliyada yillar davomida yashirincha yashab, Braziliyaning tug‘ilganlik haqidagi guvohnomalari va pasportlarini qo‘lga kiritgan, do‘stlar orttirgan va u yerda ish topgan rus agentlari haqidagi hikoyalarni keltirdi. «Biri zargarlik biznesini ochdi. Yana biri sarg‘ish, ko‘k ko‘zli model edi. Uchinchisi Amerika universitetiga qabul qilindi. Norvegiyada ish topgan braziliyalik tadqiqotchi va oxir-oqibat Portugaliyaga ketgan er-xotin bor edi», deb yozadi NYT.
Yuzlab hujjatlarni tahlil qilib, uch qit’ada o‘nlab politsiya va razvedka xodimlaridan intervyu olgan surishtiruv mualliflarining aytishicha, Braziliya Rossiyaning eng elita razvedka zobitlari uchun «yig‘ish konveyeri» va «uchirish maydonchasi»ga aylangan.
.png "YouTube UZREPORT TV")
