22-may kuni O‘zbekistonda sodir bo‘lgan muhim voqealar dayjesti

Oilaviy poliklinikalarda tibbiyot xodimlari faqat to'liq stavkada faoliyat yuritadi

Oilaviy poliklinikadan 10 kilometrdan uzoq masofada joylashgan mahalla fuqarolar yig'inlarida yashovchi aholi uchun tibbiyot xodimlarining sayyor tibbiy xizmati yo'lga qo'yiladi.

O‘zbekiston Afg‘onistonni mintaqaviy hamkorlikka qo‘shish niyatida

19−21 may kunlari Termiz shahrida Markaziy va Janubiy Osiyo o‘rtasidagi o‘zaro bog‘liqlikka bag‘ishlangan muloqot bo‘lib o‘tdi.

Ayrim shifokorlarning oylik lavozim maoshlari 20 foizga oshiriladi

Tajriba-sinov loyihasi doirasida tuman (shahar) markaziy shifoxonalarida shifokorlarning oylik lavozim maoshlari – 20 foiz, o‘rta tibbiyot xodimlarining oylik lavozim maoshlari – 10 foiz miqdorida oshiriladi.

Tyanjin–Toshkent yo‘nalishidagi birinchi poyezd jo‘nab ketdi

Xitoyning eng yirik va zamonaviy portlaridan biri — Tyanjin porti endi Markaziy Osiyoga temiryo‘l orqali bog‘landi. Port 180 ta mamlakatdagi 400 dan ortiq port bilan savdo aloqalariga ega.

O‘zbekistonda ekologiya va atrof-muhit bo‘yicha Markaziy Osiyo tadqiqot markazi tashkil etiladi

Markaz Markaziy Osiyo mintaqasida ilmiy tadqiqotlar, mutaxassislarni tayyorlash, texnologiyalar va tajriba almashish, shuningdek, «yashil» va barqaror rivojlanishni targ‘ib qilish uchun platforma bo‘ladi.

Endi mehmonxonaga hujjat taqdim etmay, MyID identifikatsiyasi bilan kirish mumkin bo‘ladi

Yagona milliy turizm platformasi orqali mehmonxonada joy band qilayotgan O‘zbekiston fuqarolari shaxsini tasdiqlovchi hujjatni ko‘rsatmasdan, MyID tizimida identifikatsiyadan o‘tishi mumkin bo‘ladi.

Yashnobodda yangi qurilayotgan ko‘p qavatli uyda yong'in sodir bo'ldi

Hozirda yong‘in sababi va keltirilgan moddiy zarar miqdori aniqlanmoqda.

Lyublyanadagi Kongress maydonida O‘zbekiston prezidentini rasmiy kutib olish marosimi bo‘ldi

Bugun Lyublyanadagi Kongress maydonida Sloveniya Respublikasiga rasmiy tashrif bilan kelgan O‘zbekiston prezidenti Shavkat Mirziyoyevni rasmiy kutib olish marosimi bo‘lib o‘tdi.

Toshkentdagi ko'chalarning birida 2 kunga transport vositalari harakati cheklandi

Mirzo Ulug'bek tumanidagi qurilish-ta'mirlash ishlari sababli Kichik halqa avtomobil yo'lining Oqqo'rg'on ko'chasi kesishmasidan Katta Darxon ko'chasi kesishmasigacha bo'lgan bir tomonlama yo'nalish qismi 22-may soat 15:00 dan 24-may soat 06:00 gacha barcha transport vositalari uchun yopildi.

Tanzila Narbayeva: Jizzaxda 2024-yilda voyaga yetmaganlar sodir etgan jinoyatlar soni 51 foizga ortgan

Jizzax viloyati Sharof Rashidov tumanida Oliy Majlis Senati raisi Tanzila Narbayeva boshchiligida Korrupsiyaga qarshi kurashish bo‘yicha milliy kengashning sayyor majlisi bo‘lib o‘tdi.

Markaziy bank kredit bo‘yicha insofsiz amaliyotga yo‘l qo‘ymaslikka chaqirdi

Markaziy bank tomonidan iste’molchilarning huquq va qonuniy manfaatlarini himoya qilish, shuningdek, moliyaviy xizmatlar bozorida adolat va shaffoflikni ta’minlash maqsadida kredit tashkilotlari faoliyatida kuzatilayotgan insofsiz amaliyotlar bo‘yicha misollar kredit tashkilotlariga yuborildi.

O‘zbekiston to‘rt oyda Xitoyga gaz eksportini 2 barobarga oshirdi

2025-yilning yanvar-aprel oylarida O‘zbekiston gaz importidan ko‘ra ko‘proq eksportni amalga oshirdi.

O'zbekistonda 4 oyda qancha egizak tug'ilgani aytildi

O‘zbekistonda 2025-yilning birinchi choragida qancha egizak tug‘ilishlar qayd etilgani ma’lum qilindi.

Noqonuniy yo‘l bilan hajga borganlar Saudiyadan deportatsiya qilinadi

Din ishlari bo‘yicha qo‘mita fuqarolarga murojaat bilan chiqib, noqonuniy yo‘llar bilan hajga borish oqibatlarini eslatdi.