OAV: Krishtianu Ronaldu faoliyatini yakunlash haqida o'ylamoqda
Team Talk portali xabariga ko'ra, portugaliyalik futbolchi "Al-Nasr" bilan shartnomasini uzaytirishi yoki vataniga qaytishi ham mumkin
Besh karra “Oltin to‘p” sohibi, portugaliyalik Krishtianu Ronaldu faoliyatini yakunlash haqida o‘ylamoqda. Bu haqda Team Talk portali xabar berdi.
Manbaga ko'ra, Ronaldu hozirda voqealar rivojining uchta variantini ko'rib chiqmoqda. Portugaliyalik futbolchi "Al-Nasr" bilan shartnomasini uzaytirishi va Osiyo chempionlar ligasida g'alaba qozonish uchun jamoani kuchaytirishni so'rashi mumkin.
Ronaldu ham Portugaliyaga qaytishi yoki faoliyatini yakunlashini istisno etmaydi. Ronalduning asosiy orzusi – 2026-yilgi jahon chempionatida terma jamoa safida ishtirok etish, ammo “Al-Nasr” Chempionlar ligasida g‘olib chiqsa, portugaliyalik futbolchi faoliyatini erta yakunlashi mumkin.
Ronaldu 39 yoshda, u Chempionlar ligasining besh karra g'olibi, Yevropa chempioni, Millatlar ligasi g'olibi. Portugaliyalik futbolchi terma jamoalar, Yevropa chempionatlari, Chempionlar ligasi va klublar o‘rtasidagi jahon chempionati tarixidagi eng yaxshi to‘purar hisoblanadi. Ronaldu rasmiy o'yinlarda 900 ta gol urgan birinchi futbolchi bo'ldi. Portugaliyalik forvard besh marta “Oltin to‘p”ni qo‘lga kiritdi. 2022-yilning dekabrida Ronaldu Saudiya Arabistonining “Al-Nasr” klubi bilan 2,5 yillik shartnoma imzoladi.
.jpg "X factor uzbekistan")
.png "YouTube UZREPORT TV")
