Ozarbayjon prezidenti parlamentni tarqatib yubordi
Ozarbayjonda muddatidan oldin parlament saylovlari 1-sentyabrga belgilangan
Ozarbayjon prezidenti Ilhom Aliyev Milliy Majlisni (parlament) tarqatib yubordi va muddatidan oldin parlament saylovlarini 1-sentyabrga belgiladi. Tegishli farmoyish davlat rahbari saytida e’lon qilindi.
“Ozarbayjon Respublikasi Konstitutsiyasining 98-moddasi 1-qismi va 109-moddasi 1-bandini hisobga olib, qaror qilaman: oltinchi chaqiriq Ozarbayjon Respublikasi Milliy Majlisi tarqatib yuborilsin. Ozarbayjon Respublikasi Milliy Majlisiga muddatidan oldin saylov 2024-yil 1-sentabrga tayinlansin”, — deyiladi hujjatda.
21-iyun kuni Ozarbayjon parlamenti joriy yilning noyabr oyida boʻlib oʻtishi kerak boʻlgan navbatdan tashqari parlament saylovlarini ikki oy oldinga qoldirish tashabbusi bilan prezidentga murojaat qabul qildi. Iqlim o‘zgarishi bo‘yicha BMT doiraviy konventsiyasi (COP29) ishtirokchilari konferensiyasining 29-sessiyasi mamlakatda 11-22-noyabr kunlari bo‘lib o‘tishi bilan bog‘liq holda kechiktirish zarurati paydo bo‘ldi.
Prezident Aliyev Konstitutsiyaviy sudga parlamentni tarqatib yuborish mamlakat asosiy qonuniga muvofiqmi yoki yoʻqmi, degan masalani koʻrib chiqish soʻrovi bilan murojaat qildi. Payshanba kuni Konstitutsiyaviy sud o'z plenumida prezident tomonidan parlamentni tarqatib yuborishning qonuniyligini tan oldi.
.jpg "X factor uzbekistan")
.png "YouTube UZREPORT TV")
