Qozog‘iston sobiq ichki ishlar vaziriga sud hukmi o‘qildi
Sud Qozog‘iston ichki ishlar vazirligining sobiq rahbari Turg‘umboyevni besh yilga ozodlikdan mahrum qildi
Ostona jinoyat ishlari bo‘yicha tumanlararo sudi Qozog‘istonning sobiq ichki ishlar vaziri Erlan Turg‘umbayevni besh yilga ozodlikdan mahrum qildi. Bu haqda sud matbuot xizmatiga tayanib, “TASS” xabar bermoqda.
"Sud hukmi bilan Turg‘umboyev aybdor deb topilib, 5 yilga ozodlikdan mahrum etildi", — deya aniqlik kiritdi. Sudlanuvchi, shuningdek, 10 yilga muayyan lavozimlarni egallash huquqidan mahrum qilindi.
Xabarda qayd etilishicha, Turg‘umboyevga nisbatan korrupsiya jinoyati alomatlari bo‘lmagani uchun uning jazosi shartli deb hisoblanadi. Sud mahkumning o‘z aybiga iqror bo‘lishi va chin dildan pushaymonligini inobatga olganini ta’kidladi.
Sobiq ichki ishlar vazirining Qozog‘istonda qo‘lga olingani aprel oyi oxirida ma’lum bo‘lgan edi. Turg‘umboyev 2022-yilning yanvar oyidagi ommaviy tartibsizliklar paytida mansab vakolatini suiiste’mol qilganlikda ayblangan va bu og‘ir oqibatlarga olib kelgan. Qozog‘istonda o‘sha davrda besh mingdan ortiq tartibsizlik ishtirokchisi qo‘lga olingan.
.png "YouTube UZREPORT TV")
