Taniqli rejissyor Devid Linch vafot etdi
Gollivud rejissyori Devid Linch 79 yoshida vafot etdi. Bu haqda uning oilasi maʼlum qildi.
2024 yilda Devid Linch tuzalmas dardga chalinganini, film suratga olgan taqdirda ham, faqat masofadan ishlashi mumkinligini maʼlum qilgandi.
«Menda uzoq yillar davomida tamaki chekish oqibatida o‘pka emfizemasi paydo bo‘ldi, o‘zimga yoqadimi-yo‘qmi, endi uyga bog‘lanib qolganman. Ko‘chaga chiqa olmayman. Ozgina yura olaman, xolos, uyog‘iga havo yetishmaydi», — degandi u.
Devid Linch (1946 yilning 20 yanvarida Montana shtatining Missoula shahrida tavallud topgan) — amerikalik rejissyor, ssenariynavis, rassom va bastakor. “Oskar”, «Oltin palma yaprog‘i» va «Oltin sher» mukofotlari sohibi, zamonaviy seriallar yo‘nalishiga katta taʼsir ko‘rsatgan «Tvin Piks» serialini suratga olgan. Shuningdek, “Fil-odam” (1980), “Dyuna” (1984), «Malholland Drayv» (2001) kabi filmlari bilan mashhur.
.jpg "X factor uzbekistan")
.png "YouTube UZREPORT TV")
