Трамп: АҚШ Полшада қўшинларини сақлаб қолади ва ҳаттоки уларни кўпайтириши мумкин
Қўшма Штатлар Полшадан ўз қўшинларини олиб чиқиш ниятида эмас – бу ҳақда АҚШ президенти Доналд Трамп 3 сентябрь, чоршанба куни Вашингтонда ўзининг янги сайланган полшалик ҳамкасби Карол Навроскийни қабул қилиш чоғида айтиб ўтди. Трампнинг қўшимча қилишича, Полшадаги америкалик ҳарбийлар сони ҳатто “поляклар буни хоҳласа” оширилиши мумкин.
"Биз Полшадан қўшинларни олиб чиқиш ҳақида ҳеч қачон ўйлаб кўрмаганмиз. Биз буни бошқа давлатларга нисбатан ҳам кўриб чиқамиз, лекин биз Полшани тўлиқ қўллаб-қувватлаймиз ва унга ўзини ҳимоя қилишга ёрдам берамиз", - деди Оқ уй раҳбари. Трамп, шунингдек, Вашингтон ва Варшава ўртасидаги муносабатлар ҳар доим мустаҳкам бўлганини, аммо “ҳозир улар ҳар қачонгидан ҳам яхшироқ” эканини айтди.
Навротский учрашув натижаларини қуйидагича изоҳлади: “Трамп Полшага хавфсизлик кафолатларини берди ва ҳарбий соҳадаги иттифоқчилар сифатида ҳамкорлигимизни таъкидлади, бу катта муваффақият”. Полша президенти америкалик ҳамкасби билан Американинг Полшадаги ҳарбий иштирокини ошириш бўйича аниқ таклифларни муҳокама қилганини айтди. Навротский, шунингдек, Трампни Варшавага ташриф буюришга таклиф қилди, бу таклиф қилинган ташриф санаси ҳали аниқланмаган.
.png "YouTube UZREPORT TV")
