Tramp Putin bilan gaplashishga tayyorligini aytdi
AQSh prezidentligi saylovlarida g‘alaba qozongan Donald Tramp hali Vladimir Putin bilan gaplashgani yo‘q, biroq bu sodir bo‘lishini istisno etmayapti. Avvalroq, Putin Trampga qo‘ng‘iroq qilishga qarshi emasligini aytgan edi
AQSh Respublikachilar partiyasi a’zosi Donald Tramp prezidentlik saylovlarida g‘alaba qozonganidan so‘ng Rossiya prezidenti Vladimir Putin bilan hozircha muloqot qilmagan, biroq bu sodir bo‘lishini istisno etmayapti. “Oʻylaymanki, biz gaplashamiz”, dedi Tramp 7-noyabr, payshanba kuni NBC telekanaliga bergan intervyusida. Uning qo‘shimcha qilishicha, saylovlarning dastlabki natijalari sarhisob qilinganidan beri u “ehtimol” 70 nafar dunyo yetakchilari, jumladan, Ukraina prezidenti Vladimir Zelenskiy bilan gaplashgan. U Zelenskiy bilan suhbat tafsilotlarini oshkor qilmadi.
Putin ham Tramp bilan gaplashishga qarshi emas
Avvalroq, Putin 7-noyabr, payshanba kuni Valday forumida bo‘lib o‘tgan matbuot anjumanida AQShning saylangan prezidentini chaqirishga qarshi emasligini ma’lum qilgan edi. "Men buni qilmayman, chunki G'arb davlatlari rahbarlari deyarli har hafta qaysidir bosqichda menga qo'ng'iroq qilishdi va keyin birdan to'xtab qolishdi", dedi u.
Xuddi shu tadbirda Putin Donald Trampni saylangani bilan tabrikladi va Kreml “Amerika xalqi ishonadigan har qanday davlat rahbari bilan hamkorlik qilishga” tayyorligini taʼkidladi. Uning so‘zlariga ko‘ra, Tramp 2016-2020-yillardagi birinchi prezidentlik muddati davomida “qo‘shimcha qadam tashlashdan, qo‘shimcha so‘z aytishdan” qo‘rqqan, biroq o‘tgan yozgi suiqasd paytida jasorat ko‘rsatgan.
.jpg "X factor uzbekistan")
.png "YouTube UZREPORT TV")
