Tramp Venesuelaga yo'l olgan tankerlarni blokirovka qilishni e'lon qildi
AQSh kemalari Venesuelaga yoki Venesueladan ketayotgan sanksiyalangan tankerlarni blokirovka qila boshladi. AQSh harbiylari tomonidan tanker musodara qilinganidan so'ng, Venesuela neftini sotib oluvchilar yuqori chegirmalarni talab qilmoqdalar.
AQSh prezidenti Donald Tramp Venesuelaga yoki Venesueladan ketayotgan sanksiyalangan neft tankerlarini dengiz blokadasiga olishni buyurdi. U bu haqda 16-dekabr, seshanba kuni o'zining Truth Social ijtimoiy tarmog'idagi akkauntida shunday deb yozdi: "Venesuela Janubiy Amerika tarixidagi eng yirik armada bilan to'liq o'ralgan".
Oq uy rahbari bu harakatning sababi sifatida Vashington terrorchi tashkilot deb e'lon qilgan Nikolas Maduro boshchiligidagi "Venesuela rejimi" tomonidan "aktivlarni o'g'irlash, terrorizm, giyohvand moddalar kontrabandasi va odam savdosi"ni keltirdi.
"Noqonuniy Maduro rejimi bu o'g'irlangan konlardan olingan neftdan o'z faoliyatini, narkoterrorizmni, odam savdosini, qotillik va odam o'g'irlashni moliyalashtirish uchun foydalanadi", dedi Tramp. Uning qo'shimcha qilishicha, AQSh "neft, yer va boshqa o'g'irlangan aktivlarni" qaytarmaguncha Venesuela atrofidagi dengiz floti mavjudligini oshiradi.
.png "YouTube UZREPORT TV")
