Turkiya Ichki ishlar vazirligi Kurdiston ishchilar partiyasining 176 nafar aʼzosi hibsga olinganini maʼlum qildi
Turkiya ichki ishlar vaziri Ali Yerlikaya xavfsizlik kuchlari 31 ta aholi punktida reydlar o‘tkazib, mamlakatda taqiqlangan Kurdiston ishchilar partiyasining 176 nafar a’zosini qo‘lga olganini ma’lum qildi. Vazirning soʻzlariga koʻra, qoʻlga olinganlarning yashash joylarida tintuvlar oʻtkazilganda, giyohvand moddalar va oʻqotar qurollar, shuningdek, terrorchilik faoliyatini tasdiqlovchi hujjatlar topilgan.
“Biz oxirgi terrorchi zararsizlantirilgunga qadar, xalqimiz tinchligi, birligi va hamjihatligi uchun kurashni qatʼiyat bilan davom ettiramiz”, — deb yozdi u ijtimoiy tarmoqlarda.
Vazir postining mazmuni TRT Haber tomonidan taqdim etilgan.
23-oktabr kuni TUSASning Anqaradagi qarorgohiga kiraverishda ikkita portlash sodir bo‘ldi, shundan so‘ng otishma boshlandi. Besh kishi halok bo‘ldi, yana 22 kishi yaralandi. Teraktni amalga oshirgan ikki nafar jinoyatchi halok bo‘ldi. Turkiya Ichki ishlar vazirligi hujum ortida Kurdiston ishchilar partiyasi turganini aytdi. 24-oktabrga o‘tar kechasi Turkiya harbiy-havo kuchlari Suriya va Iroqdagi tashkilotning 32 ta nishoniga zarba berdi.
.jpg "X factor uzbekistan")
.png "YouTube UZREPORT TV")
