Vens: AQSh Kiyevga Tomagavk raketalarini yetkazib berish masalasini ko'rib chiqmoqda

Qo‘shma Shtatlar Ukrainaning uzoq masofaga uchuvchi subsonik qanotli “Tomagavk” raketalari bo‘yicha so‘rovini ko‘rib chiqmoqda. Bu haqda AQSh vitse-prezidenti Jeyms Devid Vens 28-sentabr, yakshanba kuni Fox News telekanaliga bergan intervyusida ma’lum qildi.

Ukraina prezidenti Vladimir Zelenskiy avvalroq AQShdan “Tomagavk” raketalarini Yevropa davlatlariga sotishni, keyin esa ularni Ukrainaga yetkazib berishni so‘ragan edi. Vensning ta'kidlashicha, kelishuvni ma'qullash bo'yicha yakuniy qaror AQSh prezidenti Donald Trampga tegishli. “Biz, albatta, yevropaliklarning bir qator so‘rovlarini ko‘rib chiqmoqdamiz”, dedi u.

“Tomagavk” raketalari 2500 km masofaga ucha oladi, deb xabar bermoqda Reuters. Agentlik ta'kidlashicha, bunday qurollarning yetkazib berilishi Rossiya tomonidan deyarli eskalatsiya sifatida baholanadi. Tramp avvalroq Ukrainaning uzoq masofali raketalar bo‘yicha so‘rovlarini bir necha bor rad etgan.

Vens: Trampning muzokaralar chaqirig‘iga quloq solish vaqti keldi

AQSh vitse-prezidenti Fox News telekanaliga bergan izohida Rossiyaning Ukrainadagi urushi boshi berk ko'chaga kirib qolganini aytdi. "Oxirgi bir necha hafta davomida guvohi boʻlganimizdek, ruslar ukrainaliklar bilan har qanday ikki tomonlama uchrashuvlarga qatnashishdan bosh tortishmoqda. Ular har qanday uch tomonlama uchrashuvlarda qatnashishdan bosh tortishmoqda", dedi J. D. Vens.

"Ko'p odamlar o'lmoqda va ular buni ko'rsatadigan hech narsalari yo'q. Ular yana qancha odamni yo'qotishga tayyor? Ular yerdagi juda oz, agar bo'lsa, harbiy foyda uchun qancha odamni o'ldirishga tayyor?" — deb soʻradi u.

Vensning so‘zlariga ko‘ra, Rossiya iqtisodiyoti tanazzulga yuz tutmoqda, Rossiya Qurolli Kuchlari esa jang maydonida sezilarli muvaffaqiyatlarga erisha olmayapti. “Aniq, ular uchun” Trampning “muzokaralar stoliga o‘tirib, tinchlikni jiddiy muhokama qilish” chaqirig‘iga quloq solish vaqti keldi”, — deya xulosa qildi siyosatchi.