WP: Oq uy Ukrainadan AQShdan noqonuniy muhojirlarni qabul qilishni so'radi

Donald Tramp ma’muriyati yanvar oyi oxirida Ukrainani Qo‘shma Shtatlardan chiqarib yuborilgan uchinchi davlat fuqarolarini qabul qilishga “qat’iy chaqirdi”. The Washington Post (WP)o‘z qo‘lidagi hujjatlar va Kiyevdagi manbalariga tayanib, xabar berdi.

Murojaat yuqori darajada ko‘rib chiqilmadi

Gazetaning qayd etishicha, hujjatlardan Kiyev rasmiylari amerikalik yuqori martabali diplomat yuborgan so‘rovga qanday javob bergani noma’lum. Ukraina diplomati AQSh elchixonasiga uning hukumati o‘z pozitsiyasini bildirganidan so‘ng javob berishini ma’lum qildi, xolos.

WP shuningdek, Ukraina AQShdan uchinchi davlat fuqarolarini qabul qilmaganini va Amerika taklifini jiddiy ko'rib chiqqaniga ishora yo'qligini ta'kidlaydi. Bu masala hatto Kiyevdagi hukumatning eng yuqori darajalariga ham yetib bormagan, deb yozadi gazeta Ukraina rasmiylariga yaqin manbalarga tayanib.

Oq uyning "g'alati iltimosi"

Gazeta AQSh murojaatini omon qolish Amerika harbiy va moliyaviy ko'magiga bog'liq bo'lgan urushayotgan davlatning "g'alati iltimosi" deb ataydi. WP shuningdek, Rossiya Federatsiyasidan doimiy havo hujumlari tufayli Ukrainada hatto ishlaydigan aeroport ham yo'qligini eslatadi.

Bir qancha davlatlar AQShdan deportatsiya qilingan muhojirlarni qabul qilishga rozi bo‘ldi, jumladan, Salvador, Meksika, Kosta-Rika, Kolumbiya va Panama. Avvalroq Tramp ma’muriyati bir yil ichida AQShdan 1 milliongacha noqonuniy muhojirni chiqarib yuborishni rejalashtirayotgani ma’lum bo‘lgan edi. Ommaviy deportatsiyalar yanvar oyining oxirida boshlangan.