Yevropaning eng ko‘p qidirilayotgan jinoyatchilaridan biri Ispaniyada qo‘lga olindi

Ispaniya politsiyasi Madridda giyohvand moddalar savdosi, jinoiy guruhda ishtirok etish va hujjatlarni qalbakilashtirishda ayblanayotgan Yevropada eng ko‘p qidirilayotgan jinoyatchilardan birini qo‘lga oldi. Gap 59 yoshli albaniyalik Xaredin Fayzulla haqida ketmoqda, deb yozadi La Vanguardia.

“Belgiyada kelib chiqishi alban boʻlgan erkak giyohvand moddalar savdosi, jinoiy tashkilotga aʼzolik va hujjatlarni qalbakilashtirishda 13 ta ayblov boʻyicha 29 yildan ortiq qamoq jazosiga hukm qilindi. Qochoq oila a'zolari va unga yaqin odamlar bilan birgalikda "Alban-kosovo" jinoiy tashkilotiga rahbarlik qilgan va hibsga olish bo'yicha Yevropaning uchta buyrug'iga iqror bo'lgan", deyiladi Ispaniya milliy politsiyasi saytida.

Ispaniya politsiyasi Belgiya hukumati vakillari bilan birgalikda 2023-yil yanvar oyida Xaredin Fayzullani qidira boshlagan. Jinoyatchi doimiy ravishda yashash joyi, avtomashinalari va mobil telefonlarini almashtirib turishi huquqni muhofaza qiluvchi organlar xodimlarining ishini murakkablashtirgan. Fayzulla 12 sentabr kuni qo‘lga olingan.

2014 yildan 2018 yilgacha Xaredin Fayzulla giyohvand moddalarni ishlab chiqarish va sotish bilan shug'ullangan jinoiy tashkilotga rahbarlik qilgan. Tergov jarayonida huquq-tartibot idoralari xodimlari tomonidan nasha yetishtirilgan 13 ta plantatsiya tugatildi. Fayzulla noqonuniy faoliyatdan 4 million dollardan ortiq daromad olgan.