Yevroparlament deputati NATOni terrorchi tashkilot deb atadi

Yevroparlamentning irlandiyalik deputati Mik Uolles NATOni AQSH va harbiy-sanoat kompleksi manfaatlariga xizmat qiluvchi terrorchi tashkilot deb atadi.

“NATO begunoh insonlarning qoniga botgan, AQSH imperiyasi va harbiy-sanoat kompleksi manfaatlariga xizmat qiluvchi terrorchi tashkilotdir”, deb yozadi Uolles.

Avvalroq Fransiya armiyasining sobiq askari NATOdagi fransuz askarlari o‘z vataniga emas, AQSH manfaatlariga xizmat qilishini aytgandi. Uning ta’kidlashicha, Fransiya Qo‘shma Shtatlarning Kuvayt, Yugoslaviya va Afrikadagi “iflos ishlari”da ishtirok etgan.

9-iyul kuni Vashingtonda NATO sammiti boshlandi, bu alyansning amaldagi bosh kotibi Yens Stoltenberg uchun oxirgisi bo‘ladi. 1-oktyabrda Stoltenbergning o‘rniga doimiy vakillar tomonidan tasdiqlangan Niderlandiyaning sobiq bosh vaziri Mark Ryutte kelishi kutilmoqda.

Sammit go‘yoki Rossiya va Xitoydan kelib chiqayotgani aytilayotgan tahdidlarga qarshi turishga qaratilgan. Uning doirasida yaqin yillarda alyansning Ukrainadagi mojaroga ko‘proq jalb etilishi va harbiy-siyosiy blokni mustahkamlash bilan bog‘liq qarorlar qabul qilinishi rejalashtirilgan.

Izohlar: 0
Siz identifikatsiyadan o'tmadingiz
Ro'yxatda bo'lmay turib izoh qo'shish

Tepaga

Alpha version: 0.9.1.19 build 71923 | Инструменты