1-январдан айрим солиқ ҳисоботлари автоматик тарзда шакллантирилади

Ҳукуматнинг солиқ органлари томонидан айрим солиқ ҳисоботларини шакллантириш тартиби жорий этилиши сабаб, қонунчиликдаги ҳужжатларга қўшимча ва ўзгартириш киритшга қаратилган қарорни қабул қилди.

Хусусан, Солиқ кодексининг 81-моддасида солиқ тўловчининг солиқ ҳисоботини унинг танловига асосан солиқ органлари томонидан тузлиши мумкинлиги белгиланган.

2021-йилнинг сентябрида Хоразм вилоятида солиқ хизмати органлари томонидан ҳисоб-китоб ва ҳужжатларни расмийлаштириш бўйича эксперимент жорий этилди. Солиқ тўловчининг хоҳишига кўра ҚҚС, айланма солиғи, юридик шахслар учун ер ва аксиз солиғи бўйича ҳисоботларни олиш имконияти яратилди.

2024-йилдан Ўзбекистон бўйлаб ҳисоботларни шакллантиришни йўлга қўйиш топширилди. У ҚҚС, айланма солиғи, шунингдек, юридик шахслар учун мол-мулк ва ер солиғини ўз ичига олади.

Келаси йилдан мазкур солиқ бўйича ҳужжатлар автоматик равишда шакллантирилади. Ҳисоботларни тайёрлаш учун ички манбалар (солиқ тўловчининг солиқ ва молиявий ҳисоботлари, ҚҚС маълумотлари ва онлайн назорат-касса машиналари, онлайн чеклар ва бошқалар) билан бир қаторда ташқи манбалардан (бошқа давлат органлари тизимлари) фойдаланилади.

Яратилган ҳисоботлар солиқ тўловчининг шахсий кабинетида кўрсатилади. Агар эътирозлар мавжуд бўлса, қонун ҳужжатларида белгиланган муддатларда солиқ органларига қайта кўриб чиқилган таҳрирни тақдим этиши мумкин бўлади.

Бундан ташқари, текширувлардаги техник хатоларни тузатиш муддатлари узайтирилади. Агар ҳозир буни кейинги ойнинг 10-кунидан кечиктирмасдан амалга ошириш мумкин бўлса, унда 20-октябрдан бошлаб ҳисобот даври охиригача вақт ажратилади.