O‘zbekistonga Qirg‘izistondan kartoshka yetkazib beriladi
Qirg‘izistonning O‘zbekistondagi savdo vakolatxonasi Almaz Temirbekov boshchiligida yirik o‘zbek importyorlari bilan Norin va Issiqko‘ldan sifatli kartoshka yetkazib berish bo‘yicha shartnoma imzoladi. Bu haqda Qirg‘izistonning O‘zbekistondagi savdo vakolatxonasi matbuot xizmati xabar berdi.
Tomonlar nafaqat yuqori sifatli mahsulotlar, balki raqobatbardosh narxlarni ham ta'minlaydigan o'zaro manfaatli shartlar haqida kelishib oldilar. Birinchi yetkazib berishning umumiy hajmi taxminan 1 ming tonna kartoshkani tashkil etadi. Birinchi partiya laboratoriya tekshiruvidan so'ng yuboriladi.
“Ushbu hamkorlik nafaqat mamlakatlar o‘rtasidagi muvaffaqiyatli munosabatlarni yoritibgina qolmay, balki savdo-iqtisodiy sohalarda uzoq muddatli sheriklik uchun zamin yaratadi. Qirg‘iziston mintaqaviy aloqalarni mustahkamlashga qo‘shgan hissasi bilan faxrlanadi va xalqaro savdoda yangi istiqbollarni kutadi”, — deya qayd etdi Qirg‘iziston Savdo-sanoat palatasi.
.png "YouTube UZREPORT TV")
