26-iyul: O'tgan tunning eng qaynoq futbol yangiliklari bir sahifada

* Tomas Tuxel "Chelsi" rahbariyatidan PSJ himoyachisi Presnel Kimpembeni sotib olishni so'ramoqda. Murabbiy jamoa himoyasini sezilarli tarzda kuchaytirmoqchi;

* "Borussiya Dortmund" Sebastyan Aller o'rniga PSJ forvardi Mauro Ikardini o'z safiga qo'shib olmoqchi. Saraton aniqlangan Aller katta ehtimol bilan mavsum o'yinlarida ishtirok eta olmasligi mumkin;

* Jeymi Karrager: "Holand Premyer-ligadagi vaziyatni o'zgartira olmaydi. "Manchester Siti" usiz ham yaxshi jamoa shakllantirgan. U shunchaki klubning YChLda g'olib chiqishi uchun so'nggi umidi";

* Rasman: Nordi Mukiele PSJ futbolchisi. Parijliklar futbolchi bilan 5 yilga mo'ljallangan shartnoma imzoladi;

* Rasman: Aaron Remzi "Yuventus" bilan amaldagi shartnomasini bekor qildi. U endi erkin agent. Hozircha unga Ispaniya La Ligasi klublaridan qiziqish bo'lmoqda;

* "Chelsi" Kunde transferi o'xshamasa, "Inter" himoyachisi Danzel Dyumfrisni sotib olishga harakat qiladi. Milanliklar esa futbolchini kamida 50 mln yevroga sotishlarini aytishgan;

* "Xetafe" hamda "Rayo Valyekano" jamoalari "Barselona" a'zosi Martin Breytveytni o'z safiga qo'shib olmoqchi. Jamoalar hujumchi uchun Kataloniya klubiga 10 mln yevro taklif qilishgan;

* "Barselona" hali-hanuz Frenki de Yongning jamoani tark etishiga umid qilmoqda. Jamoa niderlandiyalik futbolchining maoshlaridan jami 15 mln yevro qarzdorlikka ega.