Gʻofurjon Mirzayev prezident maslahatchisi lavozimiga tayinlandi

Shavkat Mirziyoyevning tegishli farmonlari bilan Gʻofurjon Gʻaniyevich Mirzayev Prezidentning davlat xizmati, aholi bilan muloqot va mahalliy hokimiyat organlari faoliyatini muvofiqlashtirish masalalari bo‘yicha maslahatchisi lavozimiga tayinlandi. 

Shu sababli u Sirdaryo viloyati hokimi lavozimidan ozod etildi.

Ma'lumot uchun:

Gʻofurjon Mirzayev 1964-yilda Farg‘ona viloyatida tug‘ilgan. Millati o‘zbek. Ma’lumoti oliy. 1990-yil Toshkent politexnika instituti (kunduzgi), 2000-yil Toshkent davlat iqtisodiyot universiteti (sirtqi), 2003-yil O‘zbekiston Respublikasi Prezidenti huzuridagi Davlat va jamiyat qurilishi akademiyasini tamomlagan.

Faoliyat bosqichi: 

1981-1982 yy. - Bog‘dod tumanlararo kimyo birlashmasi «Paxta va boshqa ekinlarni himoya qilish» bo‘limi ishchisi

1984-1990 yy. - Toshkent politexnika instituti talabasi

1990-1994 yy. - Bog‘dod don mahsulotlari kombinati sozlovchisi, avtomatika muhandisi, rais o‘rinbosari

1994-1997 yy. - Bog‘dod tumani hokimining qurilish, sanoat, transport va aloqa masalalari bo‘yicha o‘rinbosari

1997-1998 yy. - “O‘zdonmahsulot” davlat aksiyadorlik korporatsiyasi qurilish, yangi texnologiyalar va modernizasiya bosh boshqarmasi boshlig‘i

1998-2000 yy. - Don mahsulotlari ishlab chiqaruvchilarining Farg‘ona aksiyadorlik uyushmasi raisi

2000-2003 yy. - “O‘zdonmahsulot” davlat aksiyadorlik korporasiyasi qurilish, yangi texnologiyalar va modernizasiya bosh boshqarmasi boshlig‘i

2003-2011 yy. - O‘zbekiston Respublikasi Prezidenti devoni Tashkiliy-nazorat xizmati hududiy organlar bilan ishlash guruhi yetakchi inspektori

2011-2011 yy. - O‘zbekiston Respublikasi Prezidenti devoni Tashkiliy-kadrlar xizmati davlat hokimiyati hududiy organlari shoʻbasi yetakchi inspektori

2011-2016 yy. - O‘zbekiston Respublikasi Prezidenti devoni Tashkiliy-kadrlar xizmati davlat hokimiyati hududiy organlari shoʻbasi bosh inspektori

2016 y.  -  h.v. - Sirdaryo viloyati hokimi lavozimlarida faoliyat yuritgan. 

Eslatib o'tamiz, avvalroq Ruslanbek Davletov va Tursinxan Xudaybergenov prezident maslahatchisi lavozimiga tayinlangan.