Po‘latov Jasur Shuhratovich Toshkent xalqaro aeroporti direktori vazifasini bajaruvchisi etib tayinlandi
"Uzbekistan Airports" AJ boshqaruvi raisining 2023 yil 22 noyabrdagi buyrug‘iga binoan Po‘latov Jasur Shuhratovich "Islom Karimov nomidagi Toshkent xalqaro aeroporti" MCHJ direktori vazifasini bajaruvchisi etib tayinlandi. Bu haqda "Uzbekistan Airports" AJ Matbuot xizmati xabar bermoqda.
Jasur Po‘latov, o‘z faoliyatini aviatsiya sohasida "Oʻzbekiston havo yoʻllari" MAKda havo tashuvlarini tashkil etish agenti sifatida boshlagan va mazkur lavozimda 2019 yilgacha ishlab kelgan.
Shundan so‘ng mehnat faoliyatini Transport vazirligida davom ettirib, so‘nggi yillarda aeroportlarni rivojlantirish va yer usti ta’minoti boshqarmasi boshlig‘i lavozimida ishlagan.
2023 yilda "Uzbekistan Airports" AJga taklif qilinib, boshqaruv raisining xalqaro tashkilotlar bilan hamkorligi bo‘yicha maslahatchisi lavozimida ishladi. Keyinchalik Buxoro aeroporti direktori vazifasini vaqtinchalik bajaruvchi etib tayinlandi.
Eslatib o'tamiz, avval 2022-yil 21-dekabrdan Toshkent xalqaro aeroportiga Gaipov Shukurjon Umarovich direktor vazifasini bajaruvchi etibtayinlangandi.
.png "YouTube UZREPORT TV")
