Shavkat Mirziyoyev Namangan shahridagi “Barkamol avlod” kichik sanoat va tadbirkorlik zonasida bo‘lib, u yerdagi korxonalar ish jarayonini ko‘zdan kechirdi

O'zbekistonda tadbirkorlarga munosib sharoit yaratish uchun joylarda texnopark va kichik sanoat zonalari tashkil etilmoqda. Namangan viloyatida bunday majmualar soni 73 taga yetdi.

Barkamol avlod mahallasida ham ishbilarmonlar, hunarmandlar ko‘p. Lekin ular uy sharoitida ishlar, imkoniyatlari cheklangan edi.

Shu bois mahalla yonidagi 10 gektarda zarur infratuzilmaga ega yaxlit majmua barpo etildi. Bu yerga 46 ta loyiha joylashtirilgan. Ularning 18 tasida ishlar yakunlanib, korxonalar faoliyatini boshlab yubordi, 2 mingdan ortiq ish o‘rni ochildi.

Davlat rahbari shu yerdagi “Master klass dizayn”, “Sifat yog‘och sanoat”, “Balans teks” korxonalaridagi ish jarayonini ko‘zdan kechirdi.

Birinchi korxonada yiliga 150 ming dona charm-poyabzal mahsulotlari ishlab chiqarilmoqda. “Sifat yog‘och sanoat” yiliga 1 ming 200 to‘plam mebellar, “Balans teks” 400 ming dona to‘qimachilik tovarlari tayyorlash quvvatiga ega. Ularda qo‘shni mahallalardagi avval ishsiz bo‘lgan yoshlar, xotin-qizlar mehnat qilib, daromad topmoqda. Mahsulotlar sifatliligi va xamyonbopligi bilan import o‘rnini egallamoqda.

- O‘zi odamlarimiz ishbilarmon, shijoatli. Mana, zamin yaratuvdik, tadbirkorlik «yurib ketdi». Endi ishlab chiqaruvchilarga tannarxni tushirish bo‘yicha yordam berish kerak. Tannarx - tadbirkorning «hayot-mamoti». Tannarx pasaysa, eksportga chiqish yengillashadi, biznes kengayadi, yana ishchi oladi, - dedi Shavkat Mirziyoyev.

Sanoat zonasidagi boshqa loyihalarda uskunalar o‘rnatilmoqda. Umuman, bu yerda tayyor kiyim-kechak, charm-poyabzal, qurilish materiallari, mebel, qog‘oz, oziq-ovqat va kimyo mahsulotlari ishlab chiqariladi. Shu atrofdagi Barkamol avlod, Yakkatut, Yangihayot, Objuvoz, Lola, Chaman mahallalarida yashovchi 6 mingdan ziyod aholi ish bilan ta’minlanadi.

Prezident shu yerda Namanganda ishlab chiqarilayotgan sanoat mahsulotlari ko‘rgazmasi bilan ham tanishdi. Mavjud tarmoqlarga qo‘shimcha asalarichilik, zargarlik, meva-sabzavotchilikni rivojlantirish bo‘yicha ko‘rsatmalar berildi.

Mavzuga doir 

- Shavkat Mirziyoyev Namangan viloyatidagi "Fazman tekstil" korxonasiga tashrif buyurdi

- Prezident Marg‘ilon shahridagi “Oltin ipak karvonsaroyi” turistik markazini borib ko‘rdi

- Shavkat Mirziyoyev Farg’ona shahridagi “Meridian” tibbiyot markazida yaratilgan sharoitlar bilan tanishdi

- Shavkat Mirziyoyev Farg'onadagi “Global textile infinity” korxonasini ko‘zdan kechirdi

- Vodiydagi ijtimoiy obyektlarda quyosh energiyasidan foydalanish uchun alohida kompaniya tashkil etiladi

- Prezident Shavkat Mirziyoyev Andijon tumanidagi Sadda tagi mahallasida bo‘lib, aholi turmushi bilan yaqindan tanishdi

- Shavkat Mirziyoyev Andijon viloyatidagi 55-umumta’lim maktabiga bordi

- Prezident Andijondagi “Elegant shoes and” korxonasi faoliyati bilan tanishdi

- Shavkat Mirziyoyev Andijon viloyatining Boʻston tumaniga bordi va u yerda yaqinda ishga tushirilgan toʻqimachilik korxonasi bilan tanishdi