25-may kuni O‘zbekistonda sodir bo‘lgan eng muhim voqealar dayjesti

Bishkekda MDH Xavfsizlik idoralari rahbarlari yigʻildi

Qirgʻiziston poytaxti Bishkekda MDHga aʼzo davlatlar xavfsizlik idoralari va maxsus xizmatlari rahbarlari kengashining 54-majlisi boʻlib oʻtdi. Majlis Sadir Japarov raisligida bo’lib o’tdi.

Davlat buyurtmasi parametrlarini davlat OTM kesimida taqsimlash amaliyoti bekor qilinadi

“Oliy ta’lim tashkilotlariga o‘qishga qabul qilish va davlat buyurtmasini joylashtirish tizimini takomillashtirish to‘g‘risida”gi prezident farmoni qabul qilindi. Farmonga ko'ra, davlat buyurtmasi bo‘yicha kvotalar taqsimotida muhandislik, tibbiyot, aniq va tabiiy fanlar bilim sohalariga ustuvorlik beriladi.

O'zbekistonda endi talabalarga ta’lim granti bir o‘quv yili uchun ajratiladi

2024-2025-o‘quv yilidan boshlab bakalavriat va magistraturaga qabul qilingan talabalarga ta’lim granti bir o‘quv yili uchun ajratiladi. Ta’lim granti ikkinchi va undan keyingi kurslarda yuqori akademik reyting ko‘rsatkichlariga erishgan va ijtimoiy faol talabalar orasida oliy ta’lim tashkilotlari tomonidan tabaqalashtirilgan tartibda qayta taqsimlanadi.

Toshkentda yangi qurilayotgan turar joyda ishchini tuproq bosib qoldi

Olib borilgan tezkor harakatlar natijasida fuqaro tuproq ostidan olib chiqilib, birinchi yordam ko'rsatilgan va shifoxonaga yuborilgan. Hozirda fuqaroning ahvoli yaxshi va u shifokorlar nazoratida.

O'zbekistondagi oliy o‘quv yurtlariga qabul jarayonlari qachondan boshlanishi maʼlum bo'ldi

Unga ko'ra, abituriyentlar 5-iyundan 25-iyunga qadar test sinovi topshirish uchun ro‘yxatdan o‘tadi.

Jahon savdo tashkiloti Bosh direktori O‘zbekistonga tashrif buyuradi

Shu kunlarda O‘zbekistondan katta delegatsiya Shveysariya poytaxtida bo‘lib turibdi. UzReport TV ijodiy jamoasi ham jarayonlarda ishtirok etib, ushbu voqealarni to'g'ridan to'g'ri yoritmoqda. Tashkilot rahbari Ngozi Okonjo-Iveala uchrashuvda O‘zbekiston yetakchisining aʼzolik masalasi va bu jarayonga eʼtiborini alohida taʼkidladi.

"Mening fikrimcha hammasi juda yaxshi ketyapti. O‘zbekiston rahbariyatiga minnatdorlik bildirmoqchiman. Albatta, bajarilishi kerak bo‘lgan ishlar hali ko‘p, ammo ishchi guruh  doirasidagi ko‘p tomonlama hamda ikki tomonlama muzokaralar fikrimcha muvaffaqiyatli bo‘lmoqda. Oldimizda  bosib o‘tish kerak bo‘lgan yo‘l turibdi va bu boradagi ishlar to‘g‘ri yo‘nalishda", - deya ta'kidladi Iveala xonim.

Navoiyda dars paytida cho‘milishga borgan o‘quvchi cho‘kib ketdi

Holat yuzasidan huquqni muhofaza qiluvchi organlar tomonidan surishtiruv ishlari olib borilmoqda.

Ikkinchi va undan keyingi oliy ta’lim to‘lov-kontrakt asosida amalga oshiriladi

Ikkinchi va undan keyingi oliy ta’lim to‘lov-kontrakt asosida amalga oshiriladi, shuningdek, oliy ta’limning tegishli bosqichiga davlat granti asosida o‘qishga qabul qilingan talabaga ikkinchi marta ta’limning ushbu bosqichi uchun davlat granti ajratilmaydi.

Bahor oylarining seryog‘in kelishining qishloq xo‘jaligi ekinlariga hamda mavjud suv resurslariga qanday ta’sir qilishi aytildi

Bahor oylarida yog‘ib o‘tgan yog‘in miqdori va respublikadagi mavjud suv omborlardagi suv zaxiralari, shuningdek, Amudaryo va Sirdaryo havzalarida joylashgan tog‘lardagi qor zaxiralarini hisobga olib, suv yetishmovchiligini 30-35 foiz qismini qoplashi kutilmoqda.

Vazirlar Mahkamasi huzurida Atom energiyasi agentligi tashkil etiladi

“Yer qa'ridan foydalanish, sanoat, radiatsiya va yadro xavfsizligi hamda atom energiyasidan foydalanish sohalarida davlat boshqaruvi va nazorati tizimini takomillashtirish chora-tadbirlari to'g'risida”gi prezident farmoni qabul qilindi.

Magistraturaga kirish uchun chet tili darajasi talabi pasaytirildi

Yangi tartib bo‘yicha, magistratura mutaxassisliklari va oliy ta’limdan keyingi ta’lim ixtisosliklariga qabul qilishda xorijiy tilni bilish darajasini belgilovchi milliy yoki xalqaro sertifikatlar turli tartibda talab etiladi.

Farg‘onada avtomobildan soxta pul sochgan shaxs 15 sutkaga qamaldi

"Lacetti"da yo‘lovchi sifatida ketayotgan yigit mashina oynasidan tanasini chiqarib, yasama pullarni sochgan va boshqa avtomobillarning harakatiga xalaqit qilgan.

“Mahalla huquqshunosi” loyihasi amalga oshiriladi

Loyiha doirasida fuqarolarning o'zini o'zi boshqarish organlari raislarining huquqiy bilim va ko'nikmalarini uzluksiz oshirib borishga qaratilgan qisqa muddatli bepul o'quv kurslari tashkil etiladi.

Jizzaxda Lacetti yo'lovchi tashuvchi avtobus bilan to‘qnashdi

Oqibatda Lacetti salonida bo‘lgan 2003-yilda tug‘ilgan yo‘lovchi olgan jarohatlari tufayli voqea joyida vafot etgan.

Haftaning har chorshanba kuni huquqiy targ'ibot kuni etib belgilandi

Shuningdek, “Online-mahalla” platformasiga kiritilgan va joylarda aniqlangan muammolarning huquqiy yechimlariga qaratilgan manzilli huquqiy targ'ibot tadbirlari tashkil qilinadi.

Tadbirkorlarga subsidiya, imtiyoz va preferensiyalarni taqdim etish tartiblari takomillashtiriladi

“Tadbirkorlik subyektlariga subsidiyalar, imtiyozlar va preferensiyalarni taqdim etish tartiblarini takomillashtirish bo'yicha qo'shimcha chora-tadbirlar to'g'risida”gi prezident qarori qabul qilindi.