4-iyun kuni O‘zbekistonda sodir bo‘lgan muhim voqealar dayjesti

Shavkat Mirziyoyev Koreya Respublikasi Prezidenti Li Chje Myonni ushbu lavozimga saylangani bilan tabrikladi

Davlat rahbari o‘z maktubida Li Chje Myon rahbarligida Koreya Respublikasining intellektual va iqtisodiy qudrati yana-da o‘sishiga, xalqaro maydondagi obro‘-eʼtibori va nufuzi mustahkamlanishiga ishonch bildirdi.

O‘zbekistonda ilk bor Texnologik metallar oliy maktabi tashkil etildi

Oliy maktabning bakalavriat dasturida taʼlim jarayonlari Italiyaning nufuzli Piza universiteti bilan hamkorlikda olib boriladi.

"El-yurt umidi" jamg‘armasi 2025-yil uchun stipendiya tanlovini eʼlon qildi

“El-yurt umidi” jamg‘armasi boshqaruv kengashining 2025-yil 3 iyundagi 1-son qaroriga muvofiq nufuzli yetakchi universitetlarda bakalavriat, magistratura va doktorantura dasturlarida ta’lim olish uchun Jamg‘armaning 2025-yil 1-ochiq stipendiya tanlovini e’lon qildi.

Jamshid Qo‘chqorov: O‘zbekistonda daromad solig‘i to‘lovchilari soni 6,3 mln nafarga yetdi

"2024 yilda norasmiy ish o‘rinlarini legallashtirish bo‘yicha choralar ko‘rilishi va iqtisodiy faollikni oshishi natijasida jismoniy shaxslardan olinadigan daromad solig‘i to‘lovchilari soni 2023 yilga nisbatan 401 ming nafarga oshib, 6 million 323 ming nafarga yetdi", — deya qayd etdi vazir.

Toshkentdan Issiqko‘lga avtobus qatnovlari boshlanadi

11-iyun sanasidan boshlab Toshkent–Cho‘lpon-ota (Issiqko‘l) yo‘nalishida mavsumiy avtobus qatnovi boshlanadi.

O‘zbekistonda uylarning bozor va “adolatli” narxlari tafovuti qisqarmoqda — MB

O‘zbekistonda ko‘chmas mulk narxlari pasayishni boshladi. 2024-yilda uy-joy narxining o‘sishi aholi ish haqi dinamikasiga deyarli tenglashdi, bozor va “adolatli” narxlar o‘rtasidagi tafovut qisqardi.

O‘zbekistonda modernizatsiya qilingan T-64 tanki namoyish etildi

Tankning bazaviy T-64B sovet tankidan asosiy farqi yangi kompozit zirh va 950 ot kuchiga ega Doosan DP222LC dvigateli ekani ta’kidlanmoqda.

O‘zbekiston ketma-ket uchinchi oy dunyoning eng yirik oltin sotuvchisi bo‘ldi

Aprelda jahon markaziy banklarining oltin zaxiralari 12 tonnaga oshdi. Bu ko‘rsatkich mart oyiga nisbatan 1,4 baravardan ortiqqa kam.

Qurbon hayiti munosabati bilan qo‘shimcha poyezd qatnovlari yo‘lga qo‘yiladi

5-8 iyun kunlari Toshkent-Samarqand yo‘nalishida qo‘shimcha «Afrosiyob» qatnovlari harakatlanadi.

1-iyuldan boshlab pensiya va nafaqalar miqdori qanchaga oshiriladi?

Hujjat bilan joriy yilning 1-iyulidan boshlab fuqarolarga to‘lanadigan boshqa pensiya va nafaqalar miqdorlari tasdiqlandi. Unga ko‘ra, ish staji to‘liq bo‘lmagan chog‘dagi nogironlik pensiyasining eng kam miqdori oyiga 1 mln 12 ming so‘m, zarur ish stajiga ega bo‘lmagan keksa yoshdagi fuqarolarga beriladigan nafaqa miqdori — 820 ming so‘m etib belgilandi.