Andijonda Spark haydovchisi YPX inspektorini urib, qochib ketdi
Avvalroq, ijtimoiy tarmoqlarda Spark rusumli avtomobil YPX xodimlarining qonuniy talablarini bajarmasdan, inspektorni bosib ketganligi aks etgan videoxabar tarqaldi. Holat yuzasidan rasmiy munosabat bildirildi.
Maʼlum qilinishicha, mazkur holat joriy yilning 30 mart kuni Andijon tumani O‘rikzor MFYda sodir bo‘lgan. 1989 yilda tug‘ilgan haydovchi o‘zining Spark rusumli avtomobilini boshqarib ketayotib, rul boshqaruvini yo‘qotgan. Natijada svetoforning qizil chirog‘ida to‘xtab turgan yana bir Spark avtomobilining orqa qismiga urilib, YTH sodir qilgan va voqea joyidan ketib qolgan. Jabrlanuvchi holat yuzasidan IIB xodimlariga murojaat qilib, holat yuzasidan xabar qilgan.
Oqibatda YPX xodimlari Spark avtomobilini to‘xtatish uchun harakat qilgan. Biroq to‘xtatish ishorasiga qaramasdan, Spark avtomobili YPX xodimlarini qonuniy talablarini bajarmagan. Bir nafar YPX xodimini urib yuborib, harakatlanishda davom etgan.
Aniqlanishicha, Spark rusumli avtomobil haydovchisi mast holatda bo‘lgani, haydovchilik guvohnomasidan mahrum etilganligi maʼlum bo‘lgan.
Holat yuzasidan hujjatlar rasmiylashtirilib sudga taqdim etilgan.
.png "YouTube UZREPORT TV")
