Senatda Parlamentlararo ittifoq Bosh kotibi bilan uchrashuv bo‘lib o‘tdi
Joriy yilning 2-aprel kuni Oliy Majlis Senati Raisi Tanzila Narbayeva Parlamentlararo ittifoq Bosh kotibi Martin Chungong bilan uchrashuv o‘tkazdi.
Uchrashuvda O‘zbekistonda o‘tkaziladigan Parlamentlararo ittifoqning yubiley 150-assambleyasiga tayyorgarlik ko‘rishga oid asosiy masalalar hamda parlament islohotlari sohasidagi hamkorlikni yana-da rivojlantirish muhokama qilindi.
Assambleyaning O‘zbekistonda amalga oshirilayotgan islohotlarga to‘liq mos keladigan “Ijtimoiy rivojlanish va adolat uchun parlament harakati” mavzusining tarixiy ahamiyatiga alohida eʼtibor qaratildi. O‘zbekiston parlamenti faoliyatining ijobiy jihatlari boshqa mamlakatlar uchun namuna bo‘lishi mumkinligi taʼkidlandi.
M. Chungong O‘zbekiston parlamentining Parlamentlararo ittifoq bilan samarali hamkorligi uchun minnatdorlik bildirib, mamlakatimizning Parlamentlararo ittifoq faoliyatiga qo‘shayotgan salmoqli hissasini qayd etdi.
Uchrashuv yakunida tomonlar Toshkentda o‘tkaziladigan Parlamentlararo ittifoqning yubiley assambleyasi xalqaro parlamentarizm tarixida muhim voqea bo‘lishiga va global muammolarni hal qilishda parlamentlarning rolini kuchaytirishiga ishonch bildirdilar.
.png "YouTube UZREPORT TV")
