Bosh prokuratura: 360 ming fuqaroning buzilgan huquqlari tiklandi

2024 yil o‘tgan davrida prokuratura organlari tomonidan aniqlangan qonunbuzilishi holatlari yuzasidan 160 mingga yaqin nazorat hujjati qo‘llanilib, 360 ming fuqaroning buzilgan huquqlari tiklandi.

Nazorat tadbirlari va dastlabki tergov davomida aybdor shaxslardan fuqarolarga va davlat manfaatlariga yetkazilgani aniqlangan 2,9 trillion so‘mlik zararning undirilishi taʼminlandi.  

Prokurorlar sektorlaridagi “Temir daftar”ga kiritilgan 7 mingdan ziyod oilaga har tomonlama ko‘mak berilib, 3 ming 186 nafardan ortiq ishsiz aʼzolar bandligi taʼminlandi.  

Prokurorlar tashabbusi bilan 711 marotaba bo‘sh ish o‘rinlari mehnat yarmarkalari o‘tkazilib, ularda 9 ming 464 nafar ishsiz fuqaro ishga joylashtirildi.  

15 ming nafardan ortiq tadbirkorning buzilgan huquqlari tiklanib, qariyb 22 ming nafariga muammolarini bartaraf etishda ko‘maklashildi.  

Yoqilg‘i-energetika sohasida qonuniylikni taʼminlash maqsadida o‘tkazilgan qariyb 103 mingta reyd tadbiri davomida 101 mingdan ortiq noqonuniy holat fosh etilib, 507 milliard so‘m zarar undirildi.  

Prokuror nazorati tadbirlari o‘laroq, davlat dasturlariga kiritilgan 5 ming 661 obyektning o‘z muddatida foydalanishga topshirilishi, 3,7 trillion so‘m mablag‘lar tejalishi taʼminlandi.  

Yer resurslaridan samarali va oqilona foydalanishni taʼminlash maqsadida o‘tkazilgan nazorat tadbirlarida o‘zboshimchalik bilan egallangani aniqlangan 3 ming 947 gektar yer maydonlari zaxiraga qaytarildi.  

Shuningdek, 1 ming 858 gektar yer maydonlarini talon - toroj qilish bilan bog‘liq holatlar yuzasidan 1 ming 649 jinoyat ishi qo‘zg‘atildi.  

Xalq bilan ochiq muloqot qilish, fuqarolar muammolarini hal etishga ustuvor ahamiyat qaratilib, hisobot davrida 250 ming murojaat bevosita prokuraturada hal etilgan va 54 ming nafar shaxsning buzilgan huquqlari tiklab berildi.  

Bu raqamlar Bosh prokuraturada bo‘lib o‘tgan kengaytirilgan hayʼat majlisida qayd etildi.