FVV: Farg'onadagi yong’in natijasida 1 kishi vafot etgan, 4 kishi tan jarohati olgan
Avvalroq, Farg‘onadagi “zapravka”da yong‘in bo‘lgani haqida xabar bergan edik.
Xabar berilishicha, 2024-yil 17-dekabr kuni soat 13:43da Fargʻona shahar, “Yangi yoʻl” MFY, A.Yassaviy koʻchasida joylashgan, koʻp yoqilgʻili AYOQSH va AGQSH shahobchasida suyultirilgan gaz to’kish vaqtida texnalogik jarayonlarni buzilishi hamda texnika xavfsizligi qoidalariga rioya qilmasligi oqibatida portlash sodir bo’lgan undan so’ng yong’in yuzaga kelgan.
Yongʻinga yong’in-qutqaruvchilar 13:47 da yetib borib, 14:02 da oʻrab olinib, 14:12 da yong’in batamom oʻchirilgan.
Yong’in natijasida 1 nafar fuqaro vafot etgan, 4 nafar fuqaro tan jarohati olgan, 8 nafar fuqarolar tibbiyot xodimlari nazoratida.
Farg’ona viloyat Favqulodda vaziyatlar boshqarmasi xodimlar, hokimlik, mutasaddi vazirlik va idoralarning mas'ul rahbarlari zudlik bilan voqea joyiga chiqqan holda yong’in oqibatlarini bartaraf etish ishlari tashkil etildi.
.jpg "X factor uzbekistan")
.png "YouTube UZREPORT TV")
