Toshkentdagi mahallalardan birida kabellar yonib ketayotgani aytilgan xabarlarga izoh berildi
Ijtimoiy tarmoqda “Toshkent tumani, Sabzavot mahallasidagi kabellar yonib ketyapti, yordam beringlar” mazmunida video eʼlon qilindi. Holat yuzasidan Energetika vazirligi izoh berdi.
Ushbu videoda 2022-yil dekabr oyida sodir boʻlgan holat aks etgan boʻlib, uni (eski videoni) xuddi bugungi holatdek tarqatishgan. Aslida bu video ikki yil oldingi holatdagi tasvir.
"Toshkent tumani, Sabzavot mahallasida bugungi kunda elektr taʼminotida hech qanday muammo yoʻq. Mahalla isteʼmolchilariga elektr energiyasi barqaror yetkazib berilmoqda.
Shu oʻrinda ijtimoiy tarmoq egalari va fuqarolardan tasdiqlanmagan hamda notoʻgʻri boʻlgan maʼlumotlarni tarqatmasliklarini soʻraymiz. Bu boʻyicha qonunchilikda javobgarlik mavjud ekanligini eslatib oʻtamiz", deyiladi vazirlik xabarida.
.jpg "X factor uzbekistan")
.png "YouTube UZREPORT TV")
