Londonda Britaniyaning taniqli media kompaniyasi bilan "O'zbekiston xazinalari" nomli film loyihasi muhokama etildi
O'zbekiston elchixonasida Britaniyaning taniqli media tashkiloti "SandStone Global" boshqaruv direktori Diksi Styuart bilan uchrashuv bo'lib o'tdi.
"StandStone Global" tashkiloti dunyo bo'ylab tarixiy manzillarga doir mazmunli hamda va keng ta'sirga ega filmlarni tasvirga oladi. Tashkilot tomonidan tasvirga olingan filmlar National Geographic Channel, SBS, BBC, ITVBe va boshqa ko'plab nufuzli tarmoqlarda davriy uzatib boriladi. "StandStone Global" tomonidan tarixiy manzillarga doir filmlar Ispaniya, Portugaliya, Vengriya, Turkiya, Polsha, Hindiston, Malayziya, Indoneziya, Ozarbayjon, Gruziya va boshqa mamlakatlarda tasvirga olingan. Ofisi Londonda joylashgan.
Diksi Styuartning ma'lum qilishicha, hozirda "SandStone Global"ning ijodiy jamoasi bilan "Treasures of Uzbekistan" – "O'zbekiston xazinalari" mavzusidagi katta loyiha ustida ish olib borilmoqda.
Mazkur loyiha doirasida O'zbekistonning qadimiy turizm manzillari hamda mamlakatning turistik salohiyatini namoyish qiluvchi filmlar tasvirga olinadi. Bu esa o'z navbatida, mamlakatning sayyohlik imkoniyatlarini butun dunyo bo'ylab yana-da tanitishga turtki bo'lishi ta'kidlanmoqda.
Loyiha yuzasidan respublikaning manfaatdor vazirlik va idoralari bilan ishlarni yana-da jadallashtirishga kelishib olindi.
.jpg "X factor uzbekistan")
.png "YouTube UZREPORT TV")
