Huawei 1
Markaziy Osiyo davlatlari va Yevropa Ittifoqi rahbarlari Orol madaniyat sammitiga oid ko‘rgazma bilan tanishdi (foto)

“Markaziy Osiyo—Yevropa Ittifoqi” formatidagi birinchi oliy darajadagi rasmiy uchrashuv yakunlangach, yetakchilar birgalikda Orol madaniyat sammiti ekspozitsiyasiga tashrif buyurdi. Bu haqda Prezident matbuot xizmati xabar berdi.

Ko‘rgazmada Orol ekotizimini tiklash, hududning madaniy merosini asrab-avaylash va barqaror rivojlanishiga ko‘maklashishga qaratilgan noyob tashabbuslar namoyish etildi. 

Bu yerda vizual, sensor va interfaol vositalar orqali Orolbo‘yining tabiiy va madaniy boyligi bilan tanishish mumkin.
Ko‘rgazmadan meʼmorchilik va landshaft fotografiyasiga ixtisoslashgan mashhur fotosuratchi Ivan Baanning asarlari, Qoraqalpog‘iston uchun xos o‘simlik hisoblangan qamishdan yaratilgan floristik kompozitsiya, shuningdek, Orolbo‘yining anʼanaviy mahsulotlari - saksovul urug‘i, chig‘anoqlar, tabiiy tuz, quritilgan isiriq, anʼanaviy naqshli namat va boshqa ko‘plab eksponatlar o‘rin olgan.
Izohlar: 0
Siz identifikatsiyadan o'tmadingiz
Ro'yxatda bo'lmay turib izoh qo'shish

Tepaga

Alpha version: 0.9.1.19 build 41106 | Инструменты