Namanganda 17 yoshli qiz “er kerak” deb yozilgan plakat ko'tarib chiqdi

Ijtimoiy tarmoqda tarqalgan “Er kerak” nomli videorolik tafsilotlari Oila va xotin-qizlar qo‘mitasining hududiy boshqarmasi mas’ullari tomonidan tegishli tashkilotlar bilan hamkorlikda o‘rganildi.

Aniqlanishicha, videoda  Davlatobod tumani “Navbahor” mahallasida yashovchi, 2007-yilda tug‘ilgan voyaga yetmagan D.R.ning  xatti-harakatlari aks etgan bo‘lib, videolavha Yangi Namangan tumanidagi go‘zallik saloni xodimlari tomonidan salon mijozlari va kanalidagi obunachilarining sonini  ko‘paytirish maqsadida olingan.

Holat yuzasidan mas’ul idoralar vakillari  tomonidan tegishli tartibda hujjatlar rasmiylashtirilib, surishtiruv ishlari olib borilmoqda.

Shuni alohida ta’kidlash lozimki, ushbu videolavha bilan bog‘liq holatlar jamiyatda o‘rnatilgan qoidalarni mensimaslik, qolaversa, turli maqsadlar yo‘lida voyaga yetmagan shaxsdan foydalanish, odamlarning fikrini manipulyasiya qilish, chalg‘itish sifatida  jamoatchilikning o‘rinli e’tirozlariga sabab bo‘ldi.

Oila va xotin-qizlar qo‘mitasi har bir shaxs jamiyatdagi ma’rifiy qoidalarni hurmat qilishi zarur, deb hisoblaydi.

Holatning o‘rganish natijalari bo‘yicha qo‘shimcha ma’lumot beriladi.