Nogironlik pensiyasini proaktiv shaklda tayinlash tartibi belgilandi
“Nogironlik pensiyasi va kompensasiyalarni proaktiv shaklda tayinlash tartibini belgilash to'g'risida”gi Hukumat qarori (398-son, 30.06.2025-y.) qabul qilindi.
Qaror bilan “Nogironlik pensiyasini proaktiv shaklda tayinlash bo'yicha davlat xizmatini ko'rsatish” sxemasi tasdiqlandi.
Qarorga ko'ra, proaktiv shaklda pensiya tayinlangan yoki tayinlash rad etilgani to'g'risidagi ma'lumotlar fuqarolarga SMS-xabar ko'rinishida yuboriladi.
Bunda SMS-xabarni yetkazish imkoni bo'lmaganda xabarlar respublika byudjeti mablag'lari hisobidan fuqaroning yashash manziliga yetkazib beriladi.
2025-yil 1-oktabrgacha “Pensiya” axborot tizimida fuqarolarning JSHSHIR ma'lumotlari asosida ularning nomiga rasmiylashtirilgan mobil aloqa abonent raqamlariga qo'ng'iroq qilish imkoniyati yaratiladi.
.png "YouTube UZREPORT TV")
