Huawei 1
O‘zbekiston turizm salohiyati targ‘ibotida Ispaniyaning “Atletiko” futbol klubi bilan hamkorlik qilishi mumkin

Turizm qo‘mitasi raisi Umid Shadiyev Ispaniyaning yetakchi futbol klublaridan biri - "Atletiko Madrid" rahbariyati bilan uchrashuv o‘tkazdi.

“Atletiko Madrid” futbol klubining jahon miqyosidagi obro‘si va keng qamrovini hisobga olgan holda, O‘zbekistonning sayyohlik salohiyatini xalqaro darajada targ‘ib qilish borasidagi hamkorlik istiqbollari muhokama etildi. Buning natijasida O‘zbekistonning jozibador sayyohlik yo‘nalishi sifatidagi tanilishini oshirish, shuningdek, mamlakatning boy madaniy va tarixiy merosini ommalashtirishga qaratilgan qo‘shma reklama kampaniyalarini tashkil etish ko‘zda tutilmoqda.

Ushbu uchrashuv O‘zbekistonning turizm salohiyatini xorijiy mamlakatlarda yanada targ‘ib qilishda muhim qadam bo‘ldi, shuningdek, turizm sohasida marketing strategiyasini amalga oshirishning yangi istiqbollarini ochadi.

Eslatib o'tamiz, bundan oldin poytaxtdagi yana 26 ta ko‘cha tunu-kun ishlaydigan gavjum ko‘chaga aylantirilishi haqida xabar bergan edik.

Izohlar: 0
Siz identifikatsiyadan o'tmadingiz
Ro'yxatda bo'lmay turib izoh qo'shish

Tepaga

Alpha version: 0.9.1.19 build 21118 | Инструменты