Olma yurak uchun juda foydali ekani aniqlandi
Haftasiga atigi to‘rt dona olma yeyish yurak-qon tomir xastaliklari oqibatida o‘lim ehtimolini 40 foizgacha kamaytirarkan, Xitoyning Yanszi shifoxonasi tadqiqotchilari shunday xulosaga kelishdi. Tadqiqot natijalari Frontiers in Nutrition jurnalida eʼlon qilindi.
Uzoq yillarni qamrab olgan tajriba-sinovda xolesterin darajasi yuqori 2 184 nafar o‘rta yoshli inson qatnashdi. Olimlar ularning qanday ovqatlanishini o‘rganishdi, ayniqsa, mevalarni isteʼmol qilishiga alohida eʼtibor qaratishdi, keyingi davomli kuzatuvlarda barcha o‘lim holatlari qayd etib borildi.
Natijalarga ko‘ra, haftasiga uch-to‘rttadan olma yeganlarda umumiy o‘lim xavfi bu mevani isteʼmol qilmaganlarga qaraganda 39 foiz kam bo‘lgan. Shuningdek, banan ham salomatlik uchun koni foyda ekan — bu tropik mevani muntazam isteʼmol qiluvchilarda erta o‘lim xavfi qariyb 30 foizga kamaygan.
Kunora (haftasiga uch-to‘rt dona) olma yeyish yurak-qon tomir xastaliklari oqibatida o‘lim xavfini 40 foizga kamaytirgan. Olimlar yurakni mustahkamlash uchun mevalarni muntazam isteʼmol qilish lozim, deyishmoqda.
.jpg "X factor uzbekistan")
.png "YouTube UZREPORT TV")
