Sizlarni har doim eng qiziqarli yangiliklardan xabardor qilish maqsadida yangi xabarlar haqida ogohlantirishimiz mumkin.
Pokiston Bosh vaziri “Yangi O‘zbekiston” bog‘iga bordi va Mustaqillik monumenti poyiga gul qo‘ydi
25 fevral kuni rasmiy tashrif bilan Toshkentga kelgan Pokiston Bosh vaziri Shahboz Sharif O‘zbekiston Bosh vaziri Abdulla Aripov hamrohligida “Yangi O‘zbekiston” bog‘ida bo‘ldi va Mustaqillik monumenti poyiga gul qo‘ydi. Bu haqda O‘zbekiston Bosh vazirining matbuot kotibi Bekzod Hidoyatov ma’lum qildi.
“Mehmonga majmuaning me’moriy yechimlari hamda kompozitsiyasining mazmun-mohiyati va xususiyatlari haqida atroflicha ma’lumot berildi. Majmua Pokiston delegatsiyasida chuqur taassurot qoldirdi”, deydi Hidoyatov.
Qayd etish joiz, O‘zbekistonga tashrif buyurayotgan martabali mehmonlarning Prezident Shavkat Mirziyoyev tashabbusi bilan barpo etilgan mazkur muhtasham majmua bilan tanishuvi an’anaga aylangan.
Baholash:
0
0
Izohlar: 0
Siz identifikatsiyadan o'tmadingiz
Ro'yxatdan o'tish yoki Kirish
Ro'yxatda bo'lmay turib izoh qo'shish
.png "YouTube UZREPORT TV")
